Feeds:
பதிவுகள்
பின்னூட்டங்கள்

Archive for செப்ரெம்பர், 2014


அவளுக்குஅவன் (HeForShe) – 20 செப்டம்பர் 2014ல் எம்மா வாட்ஸன் (Emma Watson)  ஐநா-வில் ஆற்றிய ஓர் உரை

<http://www.heforshe.org/&gt;

(இது ஒரு தற்காலிக மொழிபெயர்ப்பு)

இன்று, HeForShe எனப்படும் ஓர் இயக்கத்தை ஆரம்பிக்கின்றோம். எங்களுக்கு உங்கள் உதவி தேவைப்படுவதால் உங்களை அணுகுகின்றோம். மாற்றத்திற்கான பேச்சாளர்களாக முடிந்த அளவு அதிகமான முதிய மற்றும் இளம் ஆண்களைத் திரட்ட வேண்டும். அதைப் பற்றி பேசிக்கொண்டிருக்க மட்டும் முடியாது. அதை நடைமுறையான ஒன்றாக ஆக்கிட நாங்கள் முயலுகின்றோம். ஐநா-வின் நல்லெண்ணத் தூதுவராக நான் ஆறு மாதங்களுக்கு முன் நியமிக்கப்பட்டேன்

பெண்ணியம் (feminism) குறித்து நான் அதிகமாகப் பேசப் பேச, பெண்கள் உரிமைக்காகப் போராடுவது பெரும்பாலும் ஆண்களை-வெறுத்தல் என்பதன் இணைபொருளான ஒன்றாக ஆகிவிட்டது. ஒன்று மட்டும் எனக்கு உறுதியாகத் தெரிகிறது, இந்த நிலைமை ஒரு முடிவிற்கு வரவேண்டும். பெண்ணியம் என்பது பெண்களுக்கும் ஆண்களுக்கும் சமவுரிமையும் வாய்ப்பும் வழங்கப்பட வேண்டும் என்பது இங்கு குறிப்பிடப்பட வேண்டும். இதுவே அரிசியல், பொருளாதார மற்றும் சமூக நிலையிலான பாலின சமத்துவம் குறித்த கோட்பாடாகும்.

எங்களின் பெற்றோருக்காக ஒரு நாடகத்தை நானே இயக்க விரும்பியதால் எனது 8 வயதில், நான் போஸ்ஸியாக (bossy) இருக்கின்றேன் என்றனர். எனக்கு 14 வயதானவுடன், ஊடகத்தின் சில பகுதியினர் என்னை பாலியல் பகுப்பிற்கு உட்படுத்தப்படுத்திட ஆரம்பித்தனர். எனது 15 வயதில் என் தோழிகள், ஆண்மைத்தனத்தோடு தங்களைக் காண்பித்துக்கொள்ள விரும்பாமல் விளையாட்டுக் குழுக்களிலிருந்து விலக ஆரம்பித்தனர். என் 18 வயதில் என் ஆண் தோழர்கள் தங்கள் உணர்வுகளை வெளிப்படுத்திட முடியாமல் தவித்தனர்.

harry-reliquias-806

ஆகவே, நான் ஒரு பெண்ணியல்வாதி என நான் முடிவு செய்தேன். அது சிக்கலான ஒன்றென எனக்குப் படவில்லை. ஆனால் நான் சமீபமாக மேற்கொண்ட ஆய்வின்படி பெண்ணியம் என்பது ஒரு வேண்டத்தகாத வார்த்தையாக ஆகியுள்ளது தெரியவருகின்றது. பெண்கள் தங்களை பெண்ணியல்வாதிகளாகக் காண்பித்துக்கொண்டிட விரும்புவதில்லை. உண்மையில் பெண்ணிய வெளிப்பாடு வன்மைமிக்க, அடாவடியான, தனிமைப்படுத்துகின்ற மற்றும் ஆண்-எதிர்ப்பாகவும் கவர்ச்சியற்ற ஒன்றாகவும் கருதப்படுகின்றது.

இந்த வார்த்தை ஏன் மனதில் ஓர் அசௌகர்ய உணர்வைத் தோற்றுவிக்கவேண்டும்? என் ஆண் சகப்பணியாளர்களுக்குச் சமமாக எனக்கு ஊதியம் வழங்கப்படுவது நியாயமே என நான் நினைக்கின்றேன். என் உடல் குறித்த சொந்த முடிவுகளைச் செய்திடும் உரிமை எனக்கு வேண்டு. என் வாழ்வைப் பாதிக்கக்கூடிய தீர்மாணங்களிலும் முடிவுகளிலும் பெண்கள் சம்பந்தப்பட்டிருப்பது சரியே. சமூக ரீதியில் ஆண்களைப் போன்றே எனக்கும் சம மரியாதை வழங்கப்படுவது சரியே.

ஆனால் துரதிர்ஷடவசமாக, பெண்கள் இவ்வுரிமைகள் அனைத்தையும் அனுபவிக்கக்கூடிய ஒரு நாடு கூட இவ்வுலகில் இல்லை என்றே நான் கூறுவேன். பாலின சமத்துவத்தை அடைந்துவிட்டதாக எந்த ஒரு நாடும் இன்று கூறிக்கொள்ள முடியாது. இவ்வுரிமைகள் மனிதவுரிமைகளைச் சார்ந்தவை, ஆனால் நான் மட்டும் அதிர்ஷ்டம் செய்தவளாக இருக்கின்றேன்.

நான் ஒரு பெண்ணாகப் பிறந்ததினால் என் பெற்றோரின் அன்பு எனக்கு எவ்விதத்திலும் குறைந்துவிடவில்லை. அவ்விதத்தில் நான் கொடுத்து வைத்தவள். நான் பெண் என்பதால் என் பள்ளி வாழ்க்கையும் ஓர் எல்லைக்குட்படவில்லை. எனது அறிவுறையாளர்கள் வருங்காலத்தில் நான் ஒரு தாயாகும் சாத்தியத்தினால் வாழ்க்கையில் நான் பெரும் சாதனைகள் புரிந்திட முடியாது என்று நினைக்கவில்லை. இச்சூழல்களே இப்போது நான் அடைந்துள்ள மேம்பாட்டிற்கான பால்மை சமத்துவத்திற்கான பாலங்கள். அவர்களுக்கு அது தெரியாதிருக்கலாம், ஆனால் அவர்களே இன்று உலகிற்குத் தேவைப்படும் மற்றும் தெரியாமலேயே செயல்படும் பெண்ணியர்களாவர். இவர்கள் மேலும் அதிகமாத் தேவைப்படுகின்றனர்.

பெண்ணியம் எனும் வார்த்தை இன்னமும் உங்கள் மனதில் ஓர் அசௌகர்யத்தை ஏற்படுத்தினாலும் அவ்வார்த்தையானது முக்கியமன்று. அதன் கருத்தும் அதன் பின்னணியில் வீற்றிருக்கும் பேரார்வமுமே முக்கியமாகும், ஏனெனில் நான் பெற்றிட்ட அதே உரிமைகளை எல்லா பெண்களுமே பெற்றிடவில்லை. வெகு சிலரே அந்நிலையை அடைந்துள்ளனர்.

1997ல் பெய்ஜிங் நகரில் பெண்கள் உரிமை குறித்து ஹில்லரி கிலின்டன் ஒரு பிரபலமான உரையாற்றினார். துரதிர்ஷ்ட வசமாக, அவர் அன்று கோரியிருந்த மாற்றங்கள் இன்றும் தேவைப்படுகின்றன. அக்கூட்டத்தில் ஆண்களின் பங்கேற்பு 30 விழுக்காட்டிற்கும் குறைவாகவே இருந்தது. ஆகவே, உலகின் பாதி மட்டுமே அவ்வுரையாடலில் பங்கேற்றிட அழைக்கப்படுகையில் அல்லது வரவேற்கப்படுவதாக உணரும் நிலையில் உலகில் மாற்றங்களைக் கொண்டுவருவது எவ்வாறு?

ஆண்களே, இவ்வாய்ப்பைப் பயன்படுத்தி உங்களுக்கு முறைப்படியான அழைப்பு ஒன்றை விடுக்கின்றேன். பால்மை சமத்துவம் உங்களையும் சார்ந்த ஒரு பிரச்சினையாகும். ஏனெனில், பெற்றவர் எனும் முறையில் என் தந்தையின் பங்கு சமுதாயத்தால் சற்று குறைவாகவே மதிப்பிடப்படுவதை நான் காண்கின்றேன். மனநோய்க்கு ஆளான ஆண்களைக் கண்டிருக்கின்றேன். அவர்கள் தங்களின் ஆண்மைக்குப் பங்கம் விளைந்துவிடுமோ எனும் உணர்வில் உதவி கேட்க முடியாமல் தவிக்கின்றனர். பொருண்மையாக, ஐக்கிய அரசில் (UK) 20லிருந்து 49 வயதுக்கு உட்பட்டோரின் மரணத்திற்குச் சாலைவிபத்துகள், புற்றுநோய், இருதயநோய் ஆகியவற்றிற்கும் மேற்பட்டு தற்கொலையே முக்கிய காரணமாக இருக்கின்றது. ஆண்மையின் வெற்றி என்கையில்,  நலிந்துபோன மற்றும் மனவுறுதியற்ற ஆண்களை நான் கண்டிருக்கின்றேன். ஆண்களுக்கும் சமத்துவத்தின் பலன்கள் கிடையாது.

ஆண்களும் ஆண் பால்மைத்தன்மைக்கு அடிமைப்பட்டுள்ளதாக நாம் பெரும்பாலும் கூறுவதில்லை, ஆனால் அவர்கள் அவ்வாறு அடிமைப்பட்டுள்ளார்கள் என்பதே உண்மை. அவர்கள் அதிலிருந்து விடுபடும்போது, அதன்விளைவாகப் பெண்கள் நிலையும் இயல்பாகவே மாற்றம் காணும். ஆண்கள் தங்கள் நிலையை நிலைநாட்டிக்கொள்ளக் கடுமையாக நடந்துகொள்ளவிட்டால் பெண்களும் கீழ்ப்படிந்திட வற்புறுத்தலுக்கு உட்பட வேண்டியதில்லை. ஆண்கள் கட்டுப்படுத்த வேண்டியதில்லை எனும்போது, பெண்களும் கட்டுப்படுத்தப்பட வேண்டியதில்லை.

ஆண் பெண் இருவருமே உணர்திறத்தில் தயக்கம் காண்பிக்கக்கூடாது. இருவரும் உறுதிப்பாடு உடையவர்களாக இருக்கவேண்டும். பால்மையை நேரெதிரான இரண்டு இலட்சியத் தொகுப்புகளாகக் காண்பதினின்று அதை ஒரு நிறமாலையாகக் (spectrum) காணவேண்டிய காலம் கனிந்துவிட்டது. நாம் யாராக இல்லையோ அதை விடுத்து நாம் யார் என்பதைக் கொண்டே நம்மை நாம் வரையறுத்துக்கொள்ள வேண்டும். நாம் அனைவரும் மேலும் சுதந்திரமாக இருக்கலாம், இதுவே “அவளுக்குஅவன்” என்பதின் கருப்பொருளாகும். அது சுதந்திரம் பற்றியது. ஆண்கள் இந்நிலையை அடைந்திட வேண்டும். அதன் மூலம் அவர்களின் மகள்களும் சகோதரிகளும் தாய்மார்களும் தப்பெண்ணங்களிலிருந்து விடுபடுவதோடு அவர்களின் மகன்களும் இழகியமனம் பெறவும் மனிதர்களாகச் செயல்படவும் வாய்ப்புகள் பெற்றும் தாங்கள் இயல்பாகப் பெற்றிரிருந்தும் கைவிட்டுமிருந்தவற்றை மீண்டும் பெற்றும் அதன்மூலம் தங்களின் உண்மையான மற்றும் பூரணமான நிலையை அடையலாம்.

இந்த ஹேரி பொட்டர் பெண் யார் என நீங்கள் நினைக்கலாம். இவளுக்கு ஐ;நாவில் என்ன வேலை? நானும் எனக்கு நானே அதே கேள்வியைத்தான் கேட்டு வந்துள்ளேன். எனக்குத் தெரிந்ததெல்லாம், இப்பிரச்சினை குறித்து நான் அக்கறை கொண்டுள்ளேன் மற்றும் அதை சரிபடுத்திடவும் விரும்புகின்றேன். வாழ்க்கையில் நான் கண்டுள்ளவற்றின் அடிப்படையில், வாய்ப்பளிக்கப்படுமானால், என் பங்கிற்கு நானும் எனக்குத் தெரிந்ததைக் கூறு விரும்புகின்றேன். நல்ல ஆண்கள், பெண்கள் ஆகியோரின் செயல்படாமையே தீய சக்திகள் வெற்றிபெறுவதற்குத் தேவையான சூழலாகும் என அரசியல் மூதறிஞரான எட்மன்ட் பர்க் கூறியுள்ளார்.

இவ்வுரைக்காக நான் நடுங்கியும் நம்பிக்கையிழந்திருந்தபோது, நானின்றி வேறு யார் என எனக்கு நானே கூறிக்கொண்டேன். இப்பொழுதில்லாவிட்டால் எப்பொழுது? வாய்ப்புகள் ஏற்படும்போது சந்தேகங்கள் எழுகையில் அவ்வார்த்தைகள் உபயோகமாக இருக்கும் என நான் நம்புகின்றேன். நாம் ஒன்றும் செய்யாது இருந்தால் ஒரே விதமான பணிக்கு, பெண்கள் ஆண்களுக்குச் சமமான ஊதியம் பெறுவதற்கு இன்னும் 75 அல்லது 100 ஆண்டுகள் கடந்திடலாம் என்பதே உண்மை. அடுத்த 16 வருடங்களுக்குள் 15.5 மில்லியன் பெண் பிள்ளைகள் பால்ய விவாகத்திற்கு உட்படுத்தப்படுவார்கள். இப்போதுள்ள நிலையில், ஆப்பிரிக்கப் பெண்கள் அனைவரும் உயர்நிலை கல்வி பெறுவதற்கு வருடம் 2086 ஆகிவிடும்.

நீங்கள் பால்மை சமத்துவத்தை விரும்புகிறவர் என்றால் நான் ஏற்கனவே கூறிய, அதிர்ஷ்டவசமாக உதித்த பெண்ணியவாதிகளுள் நீங்களும் ஒருவராக இருக்கக்கூடும். அதற்காக நான் உங்களை வாழ்த்துகின்றேன். நாம் ஓர் ஒற்றுமையான உலகிற்காகப் பாடுபட வேண்டும். இதில் ஒரு நற்செய்தி என்னவென்றால் நமக்கு அதற்கான ஒரு தளம் அமைத்துள்ளது. <http://www.heforshe.org/>அதுதான் “HeForShe” என அழைக்கப்படுகின்றது. முன்னெழுந்து, முன்வந்து, நான் இல்லையெனில் வேறு யார்? இப்பொழுது இல்லையெனில் வேறு எப்பொழுது? என உங்களை நான் கேட்கின்றேன்.

இதுபோன்ற கருத்தில் ஓர் உரை: http://goo.gl/D8Scpd

Advertisements

Read Full Post »


பஹாய் புனித ஸ்தலங்கள் இஸ்ரேல் நாட்டில் இருப்பது ஏன்?

அன்பான பிரபுவே, நீர் மனிதர்கள் யாவரையும் ஒரே இனத்திலிருந்து  ஆக்கியுள்ளீர். அவர்கள் அனைவரும் ஒரே குடும்பத்தினராக வாழ விதித்துள்ளீர். உமது தெய்வீக முன்னிலையில் அவர்களெல்லாரும் உமது ஊழியர்களே…(பஹாய் பிரார்த்தனைகள்-பஹாவுல்லா)

இன்று இரான் நாட்டிலுள்ள பஹாய்கள் பல கொடுமைகளுக்கு ஆளாகி வருகின்றனர். பலவிதமான குற்றச்சாட்டுகள் அவர்கள் மீது சுமத்தப்படுகின்றன. பஹாய்கள் அமெரிக்க ஒற்றர்கள், இஸ்ரேலின் ஒற்றர்கள், பிரிட்டிஷ் ஒற்றர்கள், ரஷ்ய நாட்டோடு அரசியல் தொடர்புகொண்டவர்கள், அரசாங்கத்திற்கு எதிராகச் செயல்படுகின்றனர் எனப் பலவாறாக குற்றஞ் சாட்டப்படுகின்றனர்.

bab_34-Shrine2-460

பாப் பெருமானாரின் நினைவாலயம்

அதுமட்டுமல்லாது, பஹாய்கள் கடைப்பிடிக்கும் ஆண் பெண் சமத்துவத்தின் காரணமாக, அவர்கள் ஒழுக்கக் கேடுடையவர்கள் எனவும் குற்றஞ்சாட்டுகின்றனர். இன்று இரானிய பஹாய் நம்பி்க்கையாளர்கள் பஹாய்கள் எனும் காரணத்தினால் பணிநீக்கம் மற்றும் வியாபார முடக்கம் ஆகியவற்றை எதிர்நோக்குகின்றனர். பள்ளிகளில் துன்புறுத்தப்படுவதோடு பல்கலைக்கழகங்களிலிருந்து நீக்கப்படுவது போன்ற பல கொடுமைகளுக்கும் பஹாய் மாணவர்கள் ஆளாகிவருகின்றனர்.

பஹாய்கள் மீது சுமத்தப்படும் முக்கிய குற்றச்சாட்டுகளில் ஒன்று, பஹாய்களின் உலக நிலையம் இஸ்ரேல் நாட்டில் உள்ளது என்பதேயாகும். இதனால், பஹாய்கள் இஸ்ரேல் நாட்டிற்கு விசுவாசமாக இருப்பவர்கள், அவர்கள் அந்நாட்டின் ஒற்றர்கள் என இரான் அரசாங்கம் குற்றம் சுமத்துகின்றது. இக்குற்றச்சாட்டு உட்பட மற்ற மற்ற அனைத்துமே பொய்யென நிரூபிக்கப்பட்போதும், இரான் அரசாங்கம் இத்தகைய குற்றச்சாட்டுகளையும் இவை போன்று மேலும் பல கற்பனையான குற்றச்சாட்டுகளையும் கைவிடவில்லை. இவ்விதமான பொய்க் குற்றச்சாட்டுகளுக்கான மூலகாரணம், ஒன்று மட்டுமே. நபியவர்கள் எல்லா நபிகளின் வரிசையில் இறுதியானவர் என்பதாகும். அவருக்குப் பிறகு வேறு நபி எவரும் கிடையாது எனக் கூறப்படுகின்றது. ஒரு வகையில் இஃது உண்மைதான். நபியவர்கள் தீர்க்கதரிசிகளுள் இறுதியானவராவார். அவருக்குப் பிறகு இனி தீர்க்கதரிசிகள் அல்லது நபிகள் என எவருமே உலகில் தோன்றப்போவதில்லை.

ஆனால், இஸ்லாம் சமயத்தில் இறைத்தூதர்களுள் இருவகையினர் உள்ளனர் எனக் கூறப்படுகின்றது, அதாவது நபி, இரஸூல் என இரு வகையினராவர். இவர்களுக்கிடையே பல ஒற்றுமைகள் உள்ளன அதே சமயம் வேற்றுமைகளும் உண்டு. இதன் தொடர்பில் நபியவர்கள் இனி நபிகள் யாரும் கிடையாது எனக் கூறினாலும் இனி இரஸூல்கள் யாரும் கிடையாது எனக் கூறவில்லை. மேலும், இஸ்லாத்தில் சுன்ன வகுப்பினரிடையே இயேசு பிரான் உலகில் மீண்டும் தோன்றுவார் எனும் நம்பி்க்கையுள்ளது. அதே போன்று ஷியா வர்க்கத்தினரிடையே அவர்களின் 12வது இமாமாகிய இமாம் மஹதி மீண்டும் பூமியில் அவதரிப்பார் எனும் நம்பிக்கையும் உண்டு. ஆகவே, நபியவர்களுக்குப் பிறகு வேறு இறைத்தூதர்கள் இனி கிடையாது எனும் கூற்று சற்று முரண்பாடான ஒன்றாக இருக்கின்றது.

1844ல் சையிட் அலி முகமது அல்லது பாப் (திருவாசல்) எனும் பெயருடைய ஓர் இளைஞர் உலகம் எதிர்ப்பார்த்திருந்த, எல்லா சமயங்களும் முன்கூறிய அவதாரம், தாமே எனப் பிரகடனம் செய்தார். தமக்குப் பிறகு தோன்றவிருக்கும் மற்றொரு மாபெரும் அவதாரத்திற்குத் தாம் ஒரு ‘வாசல்’ அல்லது முன்னோடி என அறிவித்தார். அதைத் தொடர்ந்து நாடே அல்லோல கல்லோலப்பட்டது. ஆயிரக்கணக்கான பாப் பெருமானாரின் சீடர்கள் கொலை செய்யப்பட்டனர். பாப் அவர்களும் மரண தன்டனைக்கு ஆளானார்.

baha_shrine_2

பஹாவுல்லாவின் நினைவாலயம்

பாப் அவர்களைக் கொலை செய்ததோடு மட்டுமின்றி, அவருடைய திருவுடல் ஒரு மதகில் வீசப்பட்டதுடன் அது மிருகங்களுக்கு இறையாகக்கூடும் எனவும் அதிகாரிகள் நினைத்தனர். ஆனால், கடவுளின் திருவருளால் அவரது உடல் மீட்கப்பட்டு சுமார் அறுபது வருட காலம் இங்கும் அங்குமாகப் பாதுகாக்கப்பட்டு இறுதியில் அந்நாளில் ஓட்டமான் அரசாங்கத்தின் கீழிருந்த பாலஸ்தீனத்திற்குக் கொண்டுசெல்லப்பட்டு அங்கு ஹைஃபா நகரின் கார்மல் மலைமீது நல்லடக்கம் செய்யப்பட்டது.

பாப் அவர்களின் மறைவுக்குப் பிறகு பஹாவுல்லாவை பாப் அவர்களின் நம்பிக்கையாளர்களின் தலைவர் எனத் தீர்மானித்த இரான் அரசாங்கம் அவரை ஒரு பாதாளச் சிறையில் நான்கு மாதகாலம் அடைத்துவைத்தது. பிறகு அவர் நாட்டை விட்டே வெளியேற வேண்டுமெனவும் உத்தரவிட்டது. இதனால், அவர் முதலில் இராக் நாட்டின் பாக்தாத் நகருக்கும், பிறகு துருக்கி நாட்டின் இஸ்தான்புல்லிற்கும் அதன் பிறகு அதே நாட்டின் எடிர்னே எனப்படும் ஏட்ரியாநோப்பிளிற்கும் நாடுகடத்தப்பட்டார். இறுதியில் அவரது நம்பிக்கையாளர் எண்ணிக்கையின் அதிகரிப்பினாலும் அவரை எதிர்த்தவர்களின் செயல்களாலும் ஓட்டமான் அரசாங்கத்தின் சிறை நகரான ஆக்காவிற்குக் கொண்டுசெல்லப்பட்டு அங்குச் சிறை வைக்கப்பட்டார். இந்த நகரின் விசேஷம் என்னவெனில், இந்நகரின் மீது ஒரு பறவை பறந்தால் அஃது அப்பொழுதே அங்கேயே வீழ்ந்து இறந்துவிடும் என்பதாகும். அவ்வளவு மோசமான நிலையில் அந்த நகரம் அன்றிருந்தது.

பஹாய் உலக நிலையம்

பஹாய் உலக நிலையம்

பஹாவுல்லா ஆக்கா சிறை சென்றது 1868 ஆகஸ்ட் மாதம். பாலஸ்தீனம் எனப்படும் அப்பிரதேசம் கி.பி. 1918 வரை துருக்கியர் வசமிருந்தது. கி.மு. 1920க்குப் பிறகு முறைப்படி பிரிட்டிஷ் மேலாதிக்கத்தின் கீழ் வந்தது. அதன் பிறகு யூதப் பகுதியையும் அரபுப் பகுதியையும் தனித் தனியாகப் பிரித்து இரண்டு நாடுகளாக்கிட ஐ.நா தீர்மானம் ஒன்றை நிறைவேற்ற வாக்கெடுப்பினை நடத்தியது. வாக்கெடுப்பு யூதர்களுக்குச் சாதகமாக அமைந்தது. ஆனால், அரபு நாடுகள் அதை ஏற்றுக்கொள்ளவில்லை. 1948ல் யூதர்கள் சுதந்திரப் பிரகடனம் செய்து தங்கள் நாட்டிற்கு இஸ்ரேல் எனப் பெயரிட்டனர். பிறகு போர் மூண்டு யூதர்கள் தங்கள் வசமிருந்த சிறிது நிலத்தையும் பன்மடங்காகப் பெருக்கிக்கொண்டு இஸ்ரேல் எனும் நாட்டை நிலைநிறுத்திக்கொண்டனர்.

இதன் விளைவாக ஹைஃபா மற்றும் ஆக்கோவிலிருந்த பஹாய் புனிதஸ்தலங்கள் இஸ்ரேல் நாட்டிற்குள் சிக்கிக்கொண்டன. பஹாவுல்லாவின் ஒரு முக்கிய போதனை என்னவெனில், பஹாய்கள் எங்கெங்கு வசித்த போதிலும் அவர்கள் தாங்கள் வசிக்கும் நாட்டிற்கு விசுவாசமாக இருக்க வேண்டும் என்பதே ஆகும். நாட்டிற்குத் துரோகம் செய்பவர்கள் கடவுளுக்கே துரோகம் செய்பவர்கள் என பஹாவுல்லா வலியுறுத்தியுள்ளார். ஆகவே, பஹாய்கள் அவரவர் நாட்டிற்கு விசுவாசமாக இருக்கவேண்டும் என்பதோடு, இஸ்ரேலில் உள்ள பஹாய் தலைமையகமும் இஸ்ரேல் அரசாங்கத்தின் சட்டதிட்டங்களுக்கு கீழ்ப்படிந்தே ஆகவேண்டும்.

300px-Map_iran_ottoman_empire_banishment

திஹரானிலிருந்து ஆக்கா வரையிலான பஹாவுல்லாவின் நாடுகடப்பு

உலகம் முழுவதுமுள்ள பஹாய் சமூகத்தினர் தாங்கள் வசிக்கும் நாடுகளில் கொண்டிருக்கும் சுமுகமான உறவுகள் போன்று பஹாய் தலைமயையகமும் இஸ்ரேல் நாட்டோடு ஒரு சுமுகமான உறவைக் கொண்டுள்ளது. அதே சமயம் பஹாய் தலைமையகம் இஸ்ரேல் நாட்டிடமிருந்து எவ்வித உதவியையும் பெறவுமில்லை எதிர்ப்பார்க்கவுமில்லை. பஹாய் தலைமையகம் பொருளாதார ரீதியின் தன்னிச்சையானது. அது இஸ்ரேல் அரசாங்கத்தோடு எவ்வித தொடர்பும் கொண்டிருக்கவில்லை என்பதோடு அதனுடன் எதற்காகவும் ஒத்துழைக்கவுமில்லை. இஸ்ரேலிலுள்ள பஹாய் சொத்துடைமைகள் அனைத்துமே பஹாய்கள் வழங்கிடும் நிதிகளின் மூலமாகக் கொள்முதல் செய்யப்பட்டவை.

ஆக, பஹாய் தலைமையகம் இஸ்ரேல் நாட்டில் இருப்பதற்கு நிச்சயமாகவே பஹாய்கள் காரணமல்ல, அதற்கு அரசியல் பிரச்சினைகளே காரணம். பஹாவுல்லாவின் கோட்பாடான “உலகம் ஒரே நாடு மனிதர்கள் அதன் பிரஜைகள்” என்பதற்கிணங்க மனிதர்கள் வாழும் காலம் வரும்போது இத்தகைய இன, சமய மற்றும் அரசியல் பிரச்சினைகள் கடவுளின் திருவிருப்பத்திற்கு இணங்க  நீங்கிவிடும்.

Read Full Post »


ஓர் அடிமை இறைத்தூதருக்குப் போதிக்கின்றார்

நன்றி: Christopher Buck • ஜனவரி 16, 2014 •

ஆரம்பத்திலிருந்தே பஹாய் சமயம் அடிமைமுறையை எதிர்த்து வந்துள்ளது.

பஹாவுல்லாவின் முன்னோடியான பாப் பெருமானாரின் தந்தையார் 1828ல், பாப் அவர்கள் சிறுவராக இருந்தபோதே, இறந்துவிட்டிருந்தார். அதன் பிறகு அவருடைய மாமாவான (இவர் பின்னாளில் பாப் அவர்களின் நம்பிக்கையாளர்களுள் ஒருவராகி, அவரது புதிய சமயத்தின் உயிர்த்தியாகிகளுள் ஒருவரானார்) ஹாஜி மிர்ஸா சைய்யிட் அலி என்பவரால் வளர்க்கப்பட்டார். பத்தொன்பதாம் நூற்றாண்டுப் பாரசீகத்தின் சீமான்கள் அனைவருமே தங்கள் இல்லங்களில் அடிமைகளை வைத்திருந்தனர்.

abdi

பாப் பெருமானார் மாமாவின் இல்லத்தில் முபாரக் எனும் பெயர் கொண்ட அடிமை ஒருவர்  இருந்தார் (பின்னாளில் இவர் ஹாஜி முபாரக் என அழைக்கப்பட்டார்). UCLA எனப்படும் பல்கலைக்கழகத்தின் கிழக்கத்திய மொழி மற்றும் கலாச்சாரத் துறையில் பேராசிரியராகப் பணிபுரியும் டாக். நாடெர் சாயிடி, இதுவரை அறிந்திராத, பாப் அவர்களின் படைப்பான கித்தாப்-இ-து’ஆ (முப்பது பிராத்தனைகள் நூல்) எனப்படும் நூலைக் கண்டுபிடித்துள்ளார். பாப் அவர்கள் இப்புதிதாகக் கண்டுபிடிக்கப்பட்ட, சுயவரலாறு அடங்கிய பிரார்த்தனைகள் திரட்டில், தமது சிறு வயதில் தம்மை வளர்க்கவும் தமக்குக் கல்வியூட்டவுமான பொறுப்பை அடிப்படையில் யார் ஏற்றிருந்தது என்பதை வெளிப்படுத்தும் குறிப்பிடத்தக்க தகவல்களை  வெளிப்படுத்துகின்றார்.

பாப் பெருமானாருக்கு ஏழு வயதாகிய போது என்ன நடந்தது என்பதை பிரார்த்தனை #7 பிரதிபலிக்கின்றது. அவர் எப்போதும் செய்வது போன்று, தமது பெற்றோருக்காக முதலில் பிரார்த்தித்த பிறகு தமது சிறு வயதிலும் அதன் பின் தமது மலர்ச்சிப்பருவத்திலும் தம்மைப் பேணிப் பயிற்றுவித்தவரை ஆசீர்வதிக்குமாறு பின்வரும் மனதைக் கிளறும் வார்த்தைகளால் இறைஞ்சுகின்றார்:

என் மீதும் எனது ஏழு வயதில் என்னை உமது சார்பாக வளர்த்திட்ட, முபாரக் எனும் பெயர் கொண்டவர் மீதும், உமது மேன்மைமிகு புனிதத்தன்மையின் பேரொளிக்கும் உமது திருவெளிப்பாட்டின் வல்லமையின் அற்புதங்களுக்கும் உகந்தவற்றை அருள்வீராக.”  (– The Bab (from Nader Saiedi, “The Ethiopian King,” Baha’i Studies Review 17 (2011): 181–186 [183]. இக்கட்டுரையில் குறிப்பிடப்படும் பாப் பெருமானாரின் பிற படைப்புகளின் தற்காலிக  மொழிபெயர்ப்புகள் உட்பட, இது ஓமிட் காயிம்மகாமியின் மொழிபெயர்ப்பு.)

அதாவது, அடிப்படையில் தம்மை வளர்த்தவரும் பயிற்றுவித்தவரும் தமது மாமாவின் எத்தியோப்பிய சேவகரான முபாரக் என்பவரே என பாப் பெருமானார் நமக்குக் கூறுகின்றார்.

மற்றொரு வாசகப் பகுதியில், பாரசீக மன்னனான முகம்மத் ஷா (இறப்பு கி.பி. 1849), அவரது கொடிய பிரதம மந்திரியான, ஹாஜி மிர்ஸா ஆகாஸி (இறப்பு கி.பி. 1848) இருவரும், தம்மைக் கடவுளின் தூதர் எனும் முறையில் ஏற்க மறுத்ததன் பயனாக, நரகப் படுகுழியில் வீழ்ந்தனர் எனவும், அதே சமயம் வெளிப்படையில் எவ்வித சக்தியோ அந்தஸ்தோ அற்ற முபாரக், “நம்பிக்கை எனும் இராஜ்யத்தில் நன்மை செய்ததன் பயனாக” சுவர்க்கமெனும் ஜோதியை அடைந்தார், என டாக் சாயிடி குறிப்பிடுகின்றார். (டாக். சாயிடி, ப. 181)

மேலும், முப்பது பிரார்த்தனைகள் அடங்கிய இத்தொகுதியில் (அவர் வெளிப்படுத்திய மற்ற பிரார்த்தனைகள் உட்பட), பாப் பெருமானார் பின்வரும் வரிசை முறையில் பிரார்த்திக்கின்றார்: முதலில், தமது தாயாருக்கும் தந்தைக்காகவும் பிறகு “தம்மை வளர்த்தவருக்காகவும்” கடவுளின் ஆசிகளை வேண்டுகின்றார். இதற்கு முன், இச்சொற்றடர் பாப் பெருமானாரின் மாமாவைக் குறிப்பிடுவதாக பஹாய் கல்விமான்கள் கருதினர், ஆனால் அது அவ்வாறில்லை.

“எம்மை வளர்த்த அவர்” எனும் பாப் பெருமானாரின் மேற்கண்ட குறிப்பு, உண்மையில் அவரது மாமாவின் விசுவாசமும் அர்ப்பனமும் மிக்க எத்தியோப்பிய சேவகரான முபாரக்கே ஆவார். மேலும், “உண்மையில், பாப் பெருமானார், தமது தந்தைக்குரிய அதே ஸ்தானத்தில் முபாரக்கையும் கருதுகின்றார்,” என டாக். சாயிடி குறிப்பிடுகின்றார். (சாயிடி, ப. 183)

இப்பகுதியைத் தொடர்ந்து, “அவ்வயதில் தாம் விளையாடுவதற்காகத் தமக்கு ஒரு வில்லையும் அம்பையும் செய்து தந்த அவருக்காக (முபாரக்)” வாஞ்சையுடன் இறைவனுக்கு நன்றி கூறுவதோடு, “அருள் மற்றும் கருணை குறித்த உமது அறிவில் இருப்பவற்றிலிருந்து,” முபாரக்கை ஆசீரிவதிக்குமாறு கடவுளை வேண்டுகின்றார். (சாயிடி, ப. 183)

பாப் பெருமானார் (தமது காலத்தில்) அடிமைத்தளையை தடை செய்யவில்லை. அவரது வாழ்க்கை மிகவும் குறுகியதாக இருந்தது – அவர் ஜூலை 9, 1850ல் (அரசாங்கத்தால்) மரண தண்டனைக்கு உட்படுத்தப்பட்டார். அவர் மேலும் அதிக காலம் வாழ்ந்திருந்தால், சமயக்கோட்பாடு, தெய்வீகக் கட்டளை ஆகியவற்றிற்கு இணங்க நிச்சயமாகவே அடிமைத்தளையை ஒழித்திருப்பார். வேறெதுவும் இல்லாவிட்டாலும், பின்னாளில் சமய ரீதியில் அடிமைத்தளையை பஹாவுல்லா ஒழித்தது குறித்து தமது முழு ஒப்புதலையும் வழங்கியிருப்பார் என்பது உறுதி.

“நீங்கள் அடிமை வியாபாரம் செய்வதிலிருந்து – அவர்கள் ஆண்களோ பெண்களோ என்ற வித்தியாசமின்றி – தடை செய்யப்படுகின்றீர். தானே ஒரு ஊழியனாய் இருக்கும் பொழுது இறைவனின் ஊழியர்களில் மற்றொருவனை விலைக்கு வாங்குவது பொருத்தமன்று; அவரது புனித நிருபத்தில் இது தடை செய்யப்பட்டுள்ளது. இவ்வாறுதான் அவரது கருணையினால், நீதி என்னும் எழுதுகோலினைக் கொண்டு இக் கட்டளை குறிக்கப்பட்டுள்ளது. எந்தவொரு மனிதனும் தன்னை மற்றொருவனுக்கு மேலாக உயர்த்திக் கொள்ளலாகாது; தேவரின் முன்னிலையில் எல்லாருமே அடிமைகள். எல்லாருமே, அவரைத் தவிர ஆண்டவன் வேறிலர் எனும் உண்மைக்கு உதாரணமாகத் திகழ்கின்றனர். மெய்யாகவே, அவரே, சர்வ விவேகி, அவரது விவேகமே சகலத்தையும் சூழ்ந்துள்ளது.” (பஹாவுல்லா, கித்தா-இ-அக்டாஸ், ப. 45)

Read Full Post »