Feeds:
பதிவுகள்
பின்னூட்டங்கள்

Archive for ஓகஸ்ட், 2021


டாக்டர் யூனிஸ் காஃன்

மாஸ்டரவர்களின் திருமுன்னாகிய திருவாசலில் நான் வாழ்ந்த பல வருடகாலத்தில், பொங்கியெழும் இன்னல்கள் மற்றும் துன்பப் புயல்களினால் உருவாக்கப்பட்ட பல்வேறு பிரச்சினைகளை அந்தப் புனிதப் பேராளுமையினால் எவ்வாறு தீர்க்க முடிகிறது என்பதைப் பற்றி நான் அடிக்கடி யோசித்தேன். சிறிதோ பெரிதோ, எந்த விஷயமாயினும் தமக்கு வேறு எந்த அலுவலே கிடையாது எனத் தோன்றச் செய்யும் கௌரவம், கட்டுப்பாடு மற்றும் சிதறாத கவனத்துடன் அவரால் எப்படி செயல்பட முடிகிறது?

திரண்டுவரும் விதியாகிய வெள்ளப்பெறுக்கு வேகமாக அணுகிவரும் வேளை, கொந்தளிக்கும் இன்னல்புயல் மிரட்டிய போது, மோதல்களுக்குட்பட்ட கடவுள் சமயம் என்னும் மரக்கலம் கொந்தளிக்கும் அலைகளினால் மூழ்கிடுமோ எனத் தோன்றியபோது, அந்தத் தெய்வீக அன்பரின் வாழ்க்கையே அபாயத்திற்குள்ளாகிய போது–நான் முற்றிலும் குழப்பமடைந்து, எல்லா சூழ்நிலைகளையும் கட்டுக்குள் கொண்டுவரவும் எல்லா துன்பங்களையும் எதிர்கொள்ளவும் அவருக்குக் கைகொடுத்த, அவரது ஒவ்வொரு செயலையும் தனிப்படுத்திக் காட்டிய, அவரின் உள்ளார்ந்த சக்திகளுக்கும் அப்பாற்பட்டு—(அவரது) யுக்தியைப் புரிந்துகொள்வதற்கு ஆவலுற்றேன்.  ஒரு நாள், இந்தக் குழப்பத்தை அவர் தமது அற்புதமான வழியிலேயே தீர்த்துவைத்தார்; இந்த நெடுங்கால மர்மத்திற்கான பதிலை என்னுடன் பகிர்ந்துகொண்டார்.  பல ஆண்டுகளாக எந்த விளக்கத்திற்காக நான் ஏங்கிவந்தேனோ, அந்த விளக்கமானது குறிப்பிடத்தக்கதும் பொக்கிஷம் போன்றதுமாக விளங்கியது. அப்துல்-பஹா கூறியவற்றை வைத்து நான் நுறு புத்தகங்கள் எழுதினாலும் இந்த ஒரு விடையிருப்பே அவருடைய வார்த்தைகளின் எடுத்துக்காட்டாகத் தனித்து நிற்கும். அவர் எனக்கு வழங்கிய அதே முறையில், அதை ஒரு விலைமதிப்பற்ற ஒரு பரிசாக, என் மதிப்புமிக்க வாசகர்களுக்கு இப்போது நான் வழங்குகிறேன்.  

நான் மதிவாணன்: எப்படி வந்தது இஸ்லாம் இங்கே..?

காரிருள் சூழ்ந்த ஓரிரவு, வரவேற்பறையின் நீண்ட நடைபாதையில் நாள் முழுவதின் (மன)அழுத்தங்களைக் குறைத்திட, அவர் மேலுங் கீழும் ஓய்வாக நடந்தவண்ணமாக இருந்தபோது, பின்வரும் கேள்வியை அவர் என்னிடம் கேட்டார். அப்போது நான் மட்டுமே அவரது திருமுன் இருந்தேன், சுமார் ஒரு மணி நேரம் அவருடைய தெய்வீகச் செப்புதல்களைச் செவிமடுக்கும் தனிச்சிறப்பான பாக்கியம் பெற்றேன்.

“நான் இந்த சமயத்தை எப்படி நிர்வகிக்கின்றேன் என்பது உனக்குத் தெரியுமா?”

பின்னர் அவர், “நான் மரக்கலத்தின் பாய்களை உறுதியாக இழுத்துப்பிடித்து கயிற்றை இருகக் கட்டுவேன். நான் செல்லவேண்டிய திசையைத் தீர்மானிப்பேன், பின்னர் என் சொந்த சித்தத்தின் சக்தியைக் கொண்டு சக்கரத்தைப் பிடித்து புறப்படுகிறேன். புயல் எத்துணை தீவிரமாக இருப்பினும் கப்பலின் பாதுகாப்பிற்கான மிரட்டல்கள் என்னதான் அபாயகரமாக இருந்தபோதும் செல்திசையில் நான் மாற்றம் ஏதும் செய்வதில்லை. நான் குழப்பமோ மனத்தளர்வோ அடைவதில்ல; என் இலக்கை அடையும்வரை நான் விடாமுயற்சியுடன் செயல்படுவேன். எதிர்படும் ஒவ்வொரு ஆபத்தின்போதும் நான் தயக்கம் காட்டி, திசைமாற்றம் செய்வேனாயின் கடவுள் சமயத்தின் மரக்கலம் அதன் இலக்கை சென்றடைவதில் தோல்வியே காணும்.” நான் ஒரு புதிய கொள்கையைக் கண்டுணர்ந்தேன்; மாஸ்டரின் வழிமுறைகளைப் புரிந்துகொண்டேன். கடவுளுடைய மரக்கலத்தின் பாய்கள் இறுகக் கட்டப்பட்டுள்ளதையும் அதன் சக்கரம் சக்திவாய்ந்த கரங்களில் இருப்பதையும் நான் உணர்ந்தேன்.

கோட்டையை நீர் பாதுகாத்திடும் போது ஏனைய நாங்கள் பயப்பட காரணமும் உண்டோ?

சக்கரம் நோவா’வின் கைப்பிடியில் இருக்கும் போது சமுத்திரத்தின் அலைகள் கண்டு எவர் பயப்படுவர்.

தேவையற்ற கவலை அல்லது துக்கத்தின் தாக்குதலுக்கு என்னை அனுமதியாமல் இருக்கவேண்டுமென நான் அங்கு அப்பொழுதே முடிவெடுத்தேன்; அதற்கு மாறாக, இதயங்கள் அனைத்தின் பேராவலானாவரில் என் நம்பிக்கையை வைத்து, அவற்றின் இயல்பினால் சமயத்தின் மேம்பாட்டிற்கு அவை உதவுவதன் காரணமாக,  இனி நிகழும் சம்பவங்கள் அல்லது விபத்துகளை மகிழ்ச்சிக்கும் மனநிறைவுக்குமான தறுவாய்களாகக் கருதிட நான் உறுதிபூண்டேன்.

– அக்காநகரில் ஒன்பது வருட நினைவுகள், பக். 186-187, டாக். யூனெஸ் அஃப்ருக்தே

Read Full Post »



14 செப்டம்பர் 2021

BIC நியூயார்க், 27 ஆகஸ்ட் 2021, (BWNS) – ஊடக அமைப்புகள் மற்றும் பயிற்சியாளர்களின் பணி ஆக்கபூர்வமான அல்லது பிளவுபடுத்தும் விளைவுகளுக்கு எவ்வாறு வழிவகுக்கும் என்பதை ஆராயவும் சமூகத்தின் முன்னேற்றத்திற்கு ஊடகங்கள் வகிக்கும் பங்கைப் பரிசீலிக்கவும் பஹாய் சர்வதேச சமூகத்தால் (BIC) சமீபத்தில் ஒரு பத்திரிகையாளர்கள் குழு ஒன்று ஒன்றுகூட்டப்பட்டது.

தொடக்க உரையில், நிகழ்வின் நடுவரான சலீம் வைலான்கோர்ட்: “நாம் வெளியிடும் தகவல்கள் நாம் வாழும் உலகத்தை வடிவமைக்கின்றன” என்றார்.

“ஊடகங்கள் ஒருமித்த கருத்தை உருவாக்குவதற்கும், ஒற்றுமையை உருவாக்குவதற்கும், அறிவை உருவாக்குவதற்கும், புரிதல்களை உருவாக்குவதற்கும் பங்களிக்க முடிவதுடன், அவ்வாறு செய்வதன் மூலம், மக்கள் எதிர்கொள்ளும் பிரச்சினைகளுக்கு நீடித்த மற்றும் பயனுள்ள தீர்வுகளைக் கண்டறிய முடியும்.”

BIC ஆல் ஏற்பாடு செய்யப்பட்ட “ஊடகம், கதை, மக்கள் மற்றும் அவர்களின் தலைவர்கள்” என்ற தலைப்பில் கலந்துரையாடலில் நான்கு பங்கேற்பாளர்கள். இடமிருந்து வலம்: சலீம் வைலன்கோர்ட், BIC இன் பிரதிநிதி; , மலேசியாவைச் சேர்ந்த கல்வி மற்றும் பத்திரிகையாளர், டெமில் தியான்மேய்; ந்வான்டி லோவ்ஸன், CNN முன்னாள் பத்திரிகையாளர்; மற்றும் தி அட்லாண்டிக் பத்திரிகையின் புலனாய்வு பத்திரிகையாளர், அமண்டா ரிப்லி,

நாகரீக முன்னேற்றத்தில் ஊடகங்களின் செயல்பாடு பற்றி பஹாய் எழுத்துக்களில் இருந்து ஒரு பகுதியை மேற்கோள் காட்டிய திரு. வைலான்கோர்ட்: “வேகமாக வெளிவரும் செய்தித்தாள்களின் பக்கங்கள்… பல்வேறு மக்களின் செயல்களையும் நோக்கங்களையும் பிரதிபலிக்கின்றன. … அவை செவி, பார்வை மற்றும் பேச்சு ஆகியவற்றைக் கொண்ட ஒரு கண்ணாடி. இது ஓர் அற்புதமான மற்றும் சக்திவாய்ந்த இயல்நிகழ்வு. இருப்பினும், அதன் எழுத்தாளர்கள் தீய உணர்வுகள் மற்றும் ஆசைகளின் தூண்டுதல்களிலிருந்து தூய்மைப்படுத்தப்பட வேண்டும் மற்றும் நீதி, சமத்துவம் ஆகியவற்றுடன் திகழ வேண்டும்.

பங்கேற்பாளர்கள் இந்தக் கருத்துகளை வெவ்வேறு சமுதாய அமைப்புகளின் சூழலில் ஆய்வு செய்தனர். தி அட்லாண்டிக் இதழின் புலனாய்வு பத்திரிகையாளர் அமண்டா ரிப்லி, சவால்களை சமாளிக்க சமூகங்களின் முயற்சிகளை முன்னிலைப்படுத்தும் பத்திரிகை எவ்வாறு “மக்கள் பரஸ்பர தொடர்பு கொள்ள மற்றொரு வழியைப் பார்க்கவும் காட்சிப்படுத்தவும் மற்றும் கற்பனை செய்யவும் உதவும் என்பதை விளக்கினார்.

“நம்பிக்கை இல்லை என்று மக்கள் உணரும்போது,” அவர்கள் நம்பிக்கையிழந்தோ குறைகாண்பவர்களாகவோ ஆகலாம். … தீர்வுகளை ஆராயாமல் பிரச்சினைகளைப் பற்றி விவாதிக்கும் பத்திரிகை வடிவங்களைக் குறிப்பிட்டு, பிரச்சினைகளைத் தீர்ப்பதற்கான முயற்சிகளின் சூழலில் சுற்றி நீங்கள் நல்ல இதழியலை கடைப்பிடித்தால், பிரச்சினைகள் இதழியலை விட மக்கள் அதிக ஈடுபாடு கொள்வார்கள்.”

தற்போதைய சுகாதார நெருக்கடிக்கு முன் எடுக்கப்பட்ட புகைப்படம். ஆஸ்திரேலியாவில் உள்ள பஹாய் வெளிவிவகார அலுவலகம் நடத்திய விவாதம் ஊடகங்கள் எவ்வாறு அதிக சமூக ஒற்றுமைக்கு பங்களிக்க முடியும் என்பதை மையமாகக் கொண்டிருந்தது.

“செய்தியில் வழங்கப்படும் தீர்வு வேலை செய்ய வேண்டிய அவசியமில்லை,” என திருமதி ரிப்லி மேலும் கூறினார். “சமூகம் தனது சொந்த பிரச்சனையை தீர்க்க முயல்வது செயலாண்மையைக் காட்டுகிறது. மேலும், இது அனைத்து வகையான ஜனத்தொகையிலான மக்களையும் ஈடுபடுத்துகிறது. “

மலேசியாவைச் சேர்ந்த கல்வியாளரும், பத்திரிகையாளருமான டெமிலி தியான்மே, செய்திகளில், மக்கள் அக்கறையுடன் பார்க்கப்படுவதையும் சித்தரிக்கப்படுவதையும் ஆராய்ந்தார். ஊடகங்களின் பரிணாமம், மனித கௌரவத்தை ஊக்குவிக்கும் ஊடகவியலாளர்கள் மற்றும் செய்தி நிறுவனங்களின் திறனில் உள்ளது என அவர் வாதிட்டார்.

“மனித கண்ணியம் எனும் கண்ணாடி புதிய வழிகளில் ஒற்றுமையின் உருவாக்கத்தை அனுமதிக்கிறது,” என அவர் கூறினார். “ஒவ்வொரு நபரையும் கண்ணியத்திற்கும் நுண்ணறிவுக்குமான மூலாதாரமாக நாம் கருதினால் – நம்முடைய மூலாதாரங்களை மட்டுமல்ல, மற்ற பத்திரிகையாளர்களையும் நாம் எப்படி வித்தியாசமாக பார்ப்போம்?”

சமுதாய முன்னேற்றத்தில் முன்னணியாளர்கள் எனும் முறையில் பத்திரிகையாளர்களின் பங்கு மற்றும் அவர்கள் செய்திகளை வழங்கும் சமூகங்களில் அவர்கள் எந்த அளவிற்கு உட்பொதிக்கப்பட்டுள்ளார்கள் மற்றும் செயல்பாட்டில் உள்ளனர் என்பதும் கூட்டத்தின் போது விவாதிக்கப்பட்டது.

தற்போதைய சுகாதார நெருக்கடிக்கு முன் எடுக்கப்பட்ட புகைப்படம். ஜோர்டானில், பஹாய் வெளியுறவு அலுவலகம் நீதியை மேம்படுத்துவதில் பத்திரிகையாளர்களின் பங்கை ஆராய்ந்து வருகிறது.

CNN முன்னாள் பத்திரிகையாளரான ந்வாண்டி லாவ்சன்: “[பத்திரிகையாளர்கள்] சமூக நடிவடிக்கையாளர்கள் என்பதை நாம் அங்கீகரிக்க வேண்டும். நாம் நமது சமுதாயத்தின் ஒரு பகுதியினர். உண்மையை ஆராய வேண்டிய கடமை நமக்கும் உள்ளது. “

“ஊடகம், மொழிவு, மக்கள் மற்றும் அவர்களின் தலைவர்கள்” என்ற தலைப்பிலான கலந்துரையாடல், BIC’யால் ஏற்பாடு செய்யப்பட்டது. இது குறிப்பிடத்தக்க சமூக மாற்றத்திற்கான உந்துதலை எவ்வாறு வெளிப்படுத்துவது என்பது பற்றிய வளர்ந்து வரும் ஆர்வத்தின் அடிப்படையில் — குறித்ததாகும். உலகெங்கிலும் உள்ள பல்வேறு நாடுகளில் உள்ள பஹாய் வெளிவிவகார அலுவலகங்களாலும் பேணப்படும் உரையாடலாகும் இது. அமெரிக்காவில் உள்ள பஹாய் பொது விவகார அலுவலகம், சமூகப் பிரச்சினைகளில் பிரிக்கும் முனைவுகளைத் தாண்டி ஊடகங்கள் எவ்வாறு சமூகத்திற்கு உதவ முடியும் என்பது பற்றிய விவாதங்களை ஊக்குவித்து வருகிறது. இந்தியா மற்றும் ஐக்கிய இராஜ்யத்தில் உள்ள அலுவலகங்கள் சமூக முன்னேற்றத்திற்கு பங்களிக்கும் மதத்தின் சக்தியை ஊடகங்கள் எவ்வாறு வெளிச்சம் போட்டுக் காட்டலாம், அதே வேளை, சமயம் எவ்வாறு அதன் மிக உயர்ந்த இலக்குகளை அடைய மிகவும் பயனுள்ளதாக இருக்கும் என்பது குறித்த உற்சாகமான உரையாடல்களை ஏற்பாடு செய்துள்ளன. ஜோர்டானில், பஹாய் வெளியுறவு அலுவலகம் நீதியை மேம்படுத்துவதில் பத்திரிகையாளர்களின் பங்கை ஆராய்ந்து வருகிறது, ஆஸ்திரேலியாவில், ஊடகங்கள் எவ்வாறு அதிக சமூக ஒற்றுமைக்கு பங்களிக்க முடியும் என்பதில் கவனம் செலுத்தப்பட்டுள்ளது.

மூலாதாரம்: https://news.bahai.org/story/1528/

Read Full Post »



14 செப்டம்பர் 2021

ஆக்லாந்து, நியூசிலாந்து, 24 ஆகஸ்ட் 2021, (BWNS) – நியூசிலாந்த் நாட்டின், ஆக்லாந்தின் மானுரேவா பகுதியில், சில இளைஞர்கள் பெருந்தொற்றின் போது வெளிப்பட்ட சில பிரச்சினைகளைக் கவனத்திற்குக் கொண்டுவர இசையைப் பயன்படுத்துவதுடன், பஹாய் சமூக நிர்மாணிப்பு முயற்சிகளில் அவர்களின் அனுபவங்களைப் பற்றிய ஒரு நேர்மறையான கண்ணோட்டத்தை வழங்குகிறார்கள்.

“எங்கள் அண்டைப்புறத்தில் உள்ள இளைஞர்களின் வாழ்க்கையில் இசை உண்மையில் ஒரு பெரிய பகுதியாகும்” என்கிறார் சமூக நிர்மாணிப்பு நடவடிக்கைகளில் ஈடுபடும் ஒருவரான ஜெஃப்ரி சபோர். “சமுதாய மாற்றத்திற்குப் பங்களிக்கும் இந்த இயக்கத்தின் ஒரு பகுதியாக மனுரேவாவில் 1,000-க்கும் மேற்பட்ட இளைஞர்கள் உள்ளனர். ஆதலால், ‘இசையின் மூலம் இன்னும் பலருக்கு இந்த முயற்சிகளின் நுண்ணறிவுகளை எவ்வாறு விரிவுபடுத்துவது? பாடலின் கதையை மக்கள் தொடர்புபடுத்தும் விதத்தில் எவ்வாறு ஆழமான யோசனைகளைப் பற்றி எழுதுவது, என எங்களை நாங்களே கேட்டுக்கொள்வதன் மூலம் ஆரம்பித்தோம்.

“நாம் அனைவரும் இணைக்கப்பட்டிருக்கிறோம்” என்ற தலைப்பில் ஒரு பாடலில், ஒற்றுமையைக் கண்டுணர்வதற்கான மனித திறனாற்றலை தொற்றுநோய் எவ்வாறு எடுத்துக்காட்டுகிறது என்பது குறித்து இளைஞர்கள் கவனத்தை ஈர்க்கின்றனர். இந்தப் பாடல் மனித உடலின் உருவகத்தைப் பயன்படுத்தி மனிதகுலத்தின் சார்புநிலையை விவரிக்கின்றது. அதில், ஒரு வரி: “ஒவ்வொரு மனிதனும் தனக்கே என்பது அனுமானம், ஆனால் ஓர் உயிரணு சொந்தமாகத் தானே செயல்பட முடியாது,” என வருகிறது.

தற்போதைய சுகாதார நெருக்கடிக்கு முன் எடுக்கப்பட்ட புகைப்படங்கள்.மானுரேவா பஹாய்கள் வழங்கும் கல்வி முயற்சிகளில் பங்கேற்பாளர்கள், குழு செயல்பாடு மூலம் ஒற்றுமை மற்றும் ஒத்துழைப்பு பற்றி கற்றுக்கொள்கிறார்கள்.

மனுரேவாவைச் சேர்ந்த மற்றோர் இளைஞரான ஃபியா சகோபோ, அனைத்து பாடல்களிலும் சமூகத்திற்கான சேவையே அடிப்படை கருப்பொருளாக விளங்குகிறது என விளக்குகிறார்: “மனிதகுலத்தின் ஒற்றுமையையும் இடையிணைப்பையும் ஏற்றுக்கொள்வதற்கு நமது சிந்தனையில் ஆழமான மாற்றம் தேவை. ஆனால், தங்களுக்குள் உன்னதமான எண்ணங்கள் மட்டுமே போதாது.

“அவை செயல்களாக மாற்றம் பெற வேண்டும். நம் சக மனிதர்களுக்கு தன்னலமற்ற சேவை என்பது மனிதகுலத்தின் ஒற்றுமை மீதான நம்பிக்கையின் இயல்பான வெளிப்பாடாகும். இந்த உண்மை தொடர்ந்து செயல்கள் மூலம் வெளிப்படுத்தப்பட வேண்டும்.

ஜெஃப்ரி இந்த பாடல்கள் எவ்வாறு ஆன்மீகக் கருத்துக்களை தங்கள் சமூக மெய்நிலை எதிர்நோக்கும் பிரச்சனைகளுடன் தொடர்புப்படுத்துகின்றன என்பதை விவரிக்கின்றார். இன்று, நம்பிக்கையின்மையை ஊட்டி, உதாரணத்திற்கு, லௌகீக மனநிறைவைத் தேடுவது போன்ற இளைஞர்களுக்கு சந்தைப்படுத்தப்பட்ட இசைவெள்ளத்திற்கு எதிராக, புத்துணர்ச்சியூட்டும் வகையில் இப்பாடல்கள் கவனம் செலுத்துகின்றன.

“இந்தச் செயல்பாட்டில் ஈடுபட்டுள்ள மனுரேவாவின் இளைஞர்கள் தங்கள் சமுதாயத்தின் சவால்களை நன்கு அறிந்துள்ளனர், மேலும், அவர்கள் கூட்டு ஒருமைப்பாடு, அறிவு மற்றும் கல்வியைத் தேடுதல் மற்றும் உண்மையான செழிப்பின் அர்த்தம் மற்றும் ஆன்மீகப் பரிமாணங்கள் போன்ற கருப்பொருள்களைக் கையாளும் பாடல்கள் மூலம் தங்கள் சமூக நிர்மாணிப்பு நடவடிக்கைகளில் அவர்கள் பேணி வளர்த்த நம்பிக்கை உணர்வை வழங்க விரும்புகிறார்கள்.

இந்த பாடல்களை உருவாக்கும் அணுகுமுறையை விவரித்து, ஃபியா மேலும் விரிவாக விவரிக்கிறார்: “அண்டைப்புறத்திலிருந்து பலர் இந்த மற்றும் பல கருத்துக்களை ஒன்றாக ஆராய்ந்து நடவடிக்கை எடுக்கிறார்கள். இடையில், நுண்ணறிவுகளை ஈர்த்திட நாங்கள் கேள்விகளைக் கேட்கிறோம், பின்னர் அதிக கலந்துரையாடல்களை நடத்துகிறோம், இறுதியில் மக்களின் கவலைகளை குறித்துரைக்கும் ஒரு பாடலை உருவாக்கிட முயல்கிறோம்.

“மக்கள் இந்தப் பாடல்களைக் கேட்கும்போது, அவர்கள் அவற்றில் தங்கள் சொந்தக் குரலைக் கேட்கிறார்கள்.”

“மானுரேவா கலைத் திட்டத்தின்” ஒரு பகுதியாக உருவாக்கப்பட்ட இசையை இங்கே காணலாம்.

Read Full Post »



14 செப்டம்பர் 2021

BIC நியூயார்க், 21 ஆகஸ்ட் 2021, (BWNS) – இரான் நாட்டின் பஹாய்களுக்கு எதிரான 40 ஆண்டுகளுக்கும் மேலாக அரசாங்க ஆதரவில் தொடுக்கப்பட்டு வந்த வெறுப்புப் பிரச்சாரத்தை நிறுத்துமாறு ஈரான் அரசாங்கத்தைக் கோரும் #StopHatePropaganda பரப்பியக்கம், அரசாங்க அதிகாரிகள், சிந்தனையாளர்கள், பொது சமூக அமைப்புகள், ஆர்வலர்கள், மதத் தலைவர்கள், கலைஞர்கள், பிரபலமான ஈரானியர்கள் மற்றும் பலரின் உலகளாவிய கூட்டணியின் முன்னோடியில்லாத ஆதரவைப் பெற்றுள்ளது. இந்த #StopHatePropaganda பரப்பியக்கம் உலகம் முழுவதும் பரவி, சுமார் 88 மில்லியனுக்கும் அதிகமான மக்களை சென்றடைந்தது.

இரான் நாட்டு பஹாய்களுக்கு எதிரான துன்புறுத்தல்களை நிறுத்துமாறு கோரும் உலகளாவிய கூக்குரலில் சேர்ந்துகொள்ளும் மக்களுக்கு அழைப்புவிடுக்கும் BIC வீடியோ

பஹாய் சர்வதேச சமூகம் (BIC) ஈரான் நாட்டு பஹாய்களுக்கு ஆதரவாக அவர்களின் துன்புறுத்தலை ஒரு முடிவுக்குக் கொண்டுவருமாறு கேட்டுக் கொண்ட 42,000 இணையத்தள இடுகைகளை கண்காணித்தது.

ஐக்கிய நாடுகள் சபையின் BIC’இன் முதன்மை பிரதிநிதி பானி டுகால் கூறுகையில், “இந்தப் பிரச்சாரமானது ஆதரவின் திருப்புமுனையான நிலைகளை எட்டுவதைப் பார்த்து நாங்கள் மிகவும் நெகிழ்வடைந்தோம். “ஈரான் நாட்டில் உள்ள பஹாய்கள், ஈரானிய அரசாங்கத்தால் அதன் சொந்த நோக்கங்களுக்காக பழிவாங்கப்பட்டு துன்புறுத்தப்பட்டு வரும் ஓர் அப்பாவி சமூகம் என்பதை அனைத்துலக சமூகம் நீண்ட காலமாகவே கண்டுணர்ந்து வந்துள்ளது. உலகம் இன்று இந்த அநீதிக்கு எதிராக எழுந்துள்ளது.

சமூக ஊடகங்களில் பரப்பியக்கத்தை வழிநடத்தியோரில் ஐக்கிய அமெரிக்காவின் பிரபல நடிகர்களும் நகைச்சுவை நடிகர்களுமான ரெய்ன் வில்சன், ஜஸ்டின் பால்டோனி, மாஸ் ஜோப்ரானி, பென் பேட்லி மற்றும் மேக்ஸ் அமினி, இங்கிலாந்து நாட்டின் கால்பந்து ஜாம்பவான் கேரி லின்கருடன் நடிகர்கள் மற்றும் நகைச்சுவை நடிகர்களான ஒமிட் ஜலிலி, டேவிட் படியெல், ரொப் பிரைடன், டேவிட் வால்லியம்ஸ், ஷாப்பி கோர்ஸான்டி, மற்றும் ஜேனி கொட்லி, முன்னாள் ஆஸ்த்திரேலிய கால்பந்து வீரரான கிரேய்க் ஃபோஸ்டர், ஆஸ்த்திரேலிய ஹிப் ஹொப் கலைஞர் மாயா ஜூப்பிட்டர், மற்றும் ஆஸ்த்திரேலிய பாராளுமண்ற உறுப்பினர்களான செனட்டர் ஜெனட் ரைஸ்,, MP கெவின் அன்ட்ரூஸ், மேயர் டப்போ ஸ்டீபன் லாரன்ஸ், ஐக்கிய அரசின்   இங்கிலாந்து நாடாளுமன்ற உறுப்பினர்கள் ஜெஸ் பிலிப்ஸ் மற்றும் அலிஸ்டர் கார்மைக்கேல், கனேடிய MP’க்களான ஜூடி ஸ்கிரோ, கெர்ரி டையோட்டே, மற்றும் கெத்தே வாகன்தால், மற்றும் பல நாடுகளில் உள்ள பொது சமூகத் தலைவர்களும் பிரபலங்களும் சமூக வலைத்தளங்களில் இந்தப் பரப்பியக்கத்தை வழிநடத்தியோரில் அடங்குவர்.

நியூஸ்வீக் சஞ்சிகையில் எழுதிய, முன்னாள் கனேடிய நீதி அமைச்சரும் அட்டர்னி ஜெனரலுமான இர்வின் கோட்லர், மதம் மற்றும் சமய சுதந்திரத்திற்கான ஐக்கிய நாடுகள் சிறப்பு அறிக்கையாளர், அகமது ஷாஹீத் மற்றும் ரவுல் வாலன்பெர்க் மையத்தில் கொள்கை மற்றும் திட்ட இயக்குனர், பிராண்டன் சில்வர், “நிறவெறி போன்ற முறைமைகள் அநியாயமான சிறைப்படுத்தல்கள் மற்றும் ஈரான் [பஹாய்களின்] சொத்துப் பறிமுதல் … சமுதாயத்தின் விளிம்புகளில் கிழிசலை ஏற்படுத்துவதுடன், நெருக்கடி மற்றும் மோதலுக்கான ஊக்கியாக உள்ளது, மற்றும் வெகுஜன கொடூரத்தை நோக்கிய ஓர் இயல்பான இயக்கமாகவும் இருக்கின்றது.”

ஐக்கிய அமெரிக்க செனட்டர் பென் கார்டின், “ஈரான் பஹாய் சமூகத்திற்கு எதிராக அரசு நடத்தும் ஊடக தளங்களில் சமீபத்தில் வெறுப்பு பிரச்சாரம் அதிகரித்து வருவது குறித்து நான் மிகவும் கவலைப்படுகிறேன்,” “ஈரானிய அரசு சார்ந்த அதன் பஹாய் சிறுபான்மையினரின் துன்புறுத்தலைக் கண்டித்து ஒரு செனட் தீர்மானம் நிறைவேற்றப்பட்டுள்ளது.

ஈரானுடனான உறவுகளின் தூதுக்குழுவின் தலைவராக பணியாற்றும் ஐரோப்பிய நாடாளுமன்ற உறுப்பினர் கோர்னீலியா எர்ன்ஸ்ட், ஈரானில் உள்ள பஹாய்கள் “வாழ்க்கையின் அனைத்து பகுதிகளிலும் ஒடுக்கப்பட்டு தொட்டிலிலிருந்து கல்லறை வரை துன்புறுத்தப்படுகிறார்கள்” என கூறினார்.

ஒரு முன்னாள் இராணுவ அதிகாரியான இந்தியாவின் கர்னல் டாக்டர் திவாகரன் பத்ம குமார் பிள்ளை, தமது நாட்டில் “பஹாய் உலகின் மிகப்பெரிய ஜனத்தொகை” உள்ளது எனவும், பஹாய் சமூகத்திற்கு எதிரான வெறுப்பு பேச்சு மற்றும் தவறான பிரச்சாரத்தைக் கைவிடுமாறு அவர் “[ஈரானிய அதிகாரிகள் மற்றும் ஈரானிய மக்களை” வலியுறுத்தினார்.. “

பிரேசிலிய நாடாளுமன்ற உறுப்பினர் எரிகா கோகே, ட்விட்டரில் ஈரான் அரசாங்கம் மனித உரிமைகளுக்கு “உத்தரவாதம் அளிக்க வேண்டும்” என கூறினார். “மனிதகுலத்திற்கு எதிரான குற்றங்கள் வாய்சொற்களிலிருந்தே ஆரம்பிக்கின்றன; பஹாய்களுக்கு, பழைய சரித்திரம் மீண்டும் திரும்பிட நாம் அனுமதிக்க முடியாது.”

ஈரானுக்குள்ளும், ஈரானிய புலம்பெயர் நாடுகளிலும் உள்ள பஹாய்களின் உரிமைகளுக்கான ஆதரவு பெருகி வருவது பரப்பியக்கத்தின் தனித்துவமான அம்சமாகும். ஆர்வலர்களும் ஊடகப் பிரமுகர்களும் — தற்போது ஈரானில் வெளிப்படையாகக் காணப்படுகின்ற ஒரு மனித உரிமைப் பணியாளர், நர்கிஸ் முகமதி உட்பட — பாரசீக மொழி பேசுவோர் மத்தியில் பிரச்சாரத்தை இணையத்தில் பரப்புவதற்கு உதவினர்.

புலம்பெயர்ந்த ஈரானியரிடையே உள்ள மற்ற ஆதரவாளர்களில் மாசிஹ் அலினேஜாட், லடான் போரூமண்ட் மற்றும் ஆசாடே போர்ஸாண்ட், நடிகர் மஹ்னாஸ் அஃப்ஷார், ஒளிபரப்பாளர் சினா வலியோல்லா, அப்பாஸ் மிலானி மற்றும் அம்மார் மாலேக்கி உள்ளிட்ட கல்வியாளர்கள் மற்றும் பத்திரிகையாளர் குல்னாஸ் எஸ்பான்டியாரி ஆகியோர் அடங்குவர்.

ஸ்டான்ஃபோர்ட் வரலாற்றாசிரியரான பேராசிரியர் அப்பாஸ் மிலானி, ஈரான் நாட்டில் பஹாய்கள் அனுபவித்த சரித்திர ரீதியில் பிரபலமான அநியாயங்கள் மற்றும் வன்முறை தொடர்பான “பயங்கரமான நிசப்த சுவரின்” வீழ்ச்சிக்கு இப்பரப்பியக்கம் பங்களித்துள்ளது எனும் பொருண்மையை வரவேற்றார்.

இரான் நாட்டு பஹாய்களின் துன்புறுத்தல்கள் இரான் நாட்டிலுள்ள பஹாய் துன்புறுத்தல் காப்பகங்கள் எனும் இணையதளத்தில் விரிவாகத் தொகுக்கப்பட்டுள்ளன.

பஹாய் அனைத்துலக சமூகம் (BIC) சமீபத்தில் ஈரானில் பஹாய் எதிர்ப்பு பிரச்சாரத்தின் அளவு, மற்றும் அதன் அதிநவீன வளர்ச்சியைத் தொடர்ந்து “#StopHatePropaganda” பிரச்சாரத்தை ஆரம்பித்தது.

மூலாதாரம்: https://news.bahai.org/story/1526/

Read Full Post »



14 செப்டம்பர் 2021

BIC பிரஸ்ஸல்ஸ் நகராட்சித் தலைவர்கள் மற்றும் கொள்கை வகுப்பாளர்களிடையே நகர்ப்புற வளர்ச்சியின் பங்கு குறித்து மிகவும் மாறுபட்ட அண்டைப்புறங்களில் கலந்துரையாடல் தொடர் ஊக்குவிக்கப்படுகிறது.

BIC பிரஸ்ஸல்ஸ், 18 ஆகஸ்ட் 2021, (BWNS) – பெருந்தொற்றின் போது, ​​உலகெங்கிலும் உள்ள மக்கள் அண்டையர்களிடையே இரக்கம் மற்றும் தாராள மனப்பான்மையை வெளிப்படுத்துதல் அந்நியரை ஓரு நோடியில் நண்பர்களாக மாற்றுவதைக் கண்டனர்.

உதவி கரம் கொடுப்பதன் மூலமும், ஒருவர் மற்றவருடன் இணைந்து பணியாற்றுவதன் மூலமும், மக்கள் தங்களை விட பெரிய ஒன்றுடன் இணைக்கும் தருணங்களை அனுபவித்துள்ளனர். தங்கள் அனுபவம் ஒரு தனித்த அனுபவம் அல்ல என்பதை ஊடக அறிக்கைகள் உறுதிப்படுத்தியதால், தங்கள் அண்டைப்புறங்களுக்கும் நாட்டுக்கும் மற்றுமின்றி மனித குடும்பத்திற்கும் தாங்கள் சொந்தமெனும் உணர்வைப் பலர் உணர்ந்தனர்.

பஹாய் அனைத்துலக சமூகத்தின் (BIC) பிரஸ்ஸல்ஸ் அலுவலகத்தின் இந்த அவதானிப்புகள் மற்றும் பஹாய் சமூக நிர்மாணிப்பு முயற்சிகளில் இருந்து எடுக்கப்பட்ட நுண்ணறிவுகள் BIC நடத்தும் “சந்திப்பு மற்றும் சொந்த சுற்றுப்புறங்களை உருவாக்குதல்,” எனும் தலைப்பிலான கலந்துரையாடலுக்கான அடிப்படையை உருவாக்கியது

பிரஸ்ஸல்ஸ் அலுவலகத்தின் ரேச்சல் பயானி கூறுகிறார்: “உலகம் முழுவதும் அதிகரித்துவரும் சுற்றுப்புறங்களில், சமூக சேவைக்கான திறனை வளர்ப்பதை நோக்கமாகக் கொண்ட பஹாய் கல்வி செயல்முறைகளில் ஈடுபட்டுள்ளோர், அவர்கள் ஒன்றிணையக்கூடிய மற்றும் பொது நோக்கம் கொண்ட திட்டங்களைத் தொடங்க ஒற்றுமைக்கான தளங்களைக் கண்டுபிடிக்க முடிந்துள்ளது.

அவர் தொடர்கிறார்: “இந்த அனுபவங்கள் மக்கள் தேவைகளைப் பற்றி விவாதிக்க மற்றும் சமூகச் செயல்பாடுகளுக்கான — இளைஞர் கல்வி, சுற்றுச்சூழலின் தரம், அல்லது ஊட்டச்சத்து மற்றும் ஆரோக்கியத்தை மேம்படுத்துதல் போன்ற சமூகங்கள் நல்வாழ்வின் சில அம்சங்களில் கவனம் செலுத்தும் — நடவடிக்கைகளை மேற்கொள்ள சமூக தளங்கள் உருவாக்கப்படும் போது ஒற்றுமையும் சொந்தமும் வளரும் என்பதை காட்டுகிறது.”

பஹாய் சர்வதேச சமூகத்தின் பிரஸ்ஸல்ஸ் அலுவலகத்தின் சமீபத்திய கூட்டத்தில் ஐரோப்பிய யூனியன் மற்றும் நகராட்சி அதிகாரிகள், நகர்ப்புற திட்டமிடுவோர், கல்வியாளர் மற்றும் சமூக நடவடிக்கையாளர்கள் மிகவும் மாறுபட்ட அண்டைப்புறங்களில் சமூக தன்மைமாற்றத்தை ஏற்படுத்துவதில் நகர்ப்புற வளர்ச்சியின் பங்கை ஆராய்ந்தனர்.

இத் தொடர் வரிசைக்கான தொடக்க நிகழ்வு ஐரோப்பிய பாராளுமன்றம் மற்றும் அலையன்ஸ் 4 ஐரோப்பா ஆகியவற்றின் இனவெறி எதிர்பு மற்றும் பன்முகத்தன்மை இடைக்குழுவுடன் இணைந்து நடத்தப்பட்டது. இந்த நிகழ்ச்சி 100 பங்கேற்பாளர்களுக்கும் மேல் ஈர்த்தது. இக்கூட்டங்களில் ஐரோப்பிய ஒன்றியம் மற்றும் நகராட்சி அதிகாரிகள், நகர்ப்புறத் திட்டமிடுவோர், கல்வியாளர்கள் மற்றும் சமூக நடவடிக்கையாளர்கள் அடங்குவர்.

துவக்க நிகழ்வில், டப்ளினின் அப்போதைய மேயர் ஹேசல் சூ, நகர்ப்புற வளர்ச்சி தொடர்பான பிரச்சினைகள் சார்ந்த சிக்கல்களை எடுத்துரைத்தார். இவற்றில் அண்டை நாடுகளுக்கிடையிலான பொருளாதார ஏற்றத்தாழ்வுகள் மற்றும் அவற்றில் உள்ள மக்களின் வெவ்வேறு புலனுணர்வுகள் ஆகியவற்றை பெருந்தொற்று இன்னும் தீவிரமடைய செய்துள்ளது.

“இது டப்ளினுக்கு மட்டும் பொருந்தும் ஒன்றல்ல,” என்று அவர் கூறினார், “நான் மற்ற நகரங்களின் புள்ளிவிவரங்களைப் பார்த்தேன்; அவற்றில் நீங்கள் காண்பது என்னவென்றால், வசதியான சுற்றுப்புறங்கள் அதிக வளம் பெறுகின்றன; வறியநிலையில் உள்ள இடங்கள் பொருளாதார ரீதியாக பின்தங்கியுள்ளன. “அவர்கள் அதை எங்கே கவனிகப் போகிறார்கள், அல்லது அவர்களுக்கு அதெல்லாம் தேவையில்லை” என மக்கள் நினைக்கும் இடங்களுக்கு வசதிகள் சென்றடைவதில்லை.

அண்டைப்புறங்களில், உள்ளடங்கிய பொது இடங்களை உருவாக்குவதில் நகர்ப்புற வடிவமைப்பின் பங்கு இவ்வொன்றுகூடல்களில் பெரும் ஆர்வத்தைத் தூண்டியுள்ளது.

பொருளாதார ஒத்துழைப்பு மற்றும் மேம்பாட்டிற்கான அமைப்பின் (OECD) ஜூலியட் ஜெஸ்டின் கூறினார்: “ஒன்றிணைத்தல் கொள்கை ஆரம்பக் கட்டங்களிலிருந்தே [ஓர் அண்டைப்புறத்தின்] கட்டமைப்பில் பின்னிப் பிணைக்கப்பட வேண்டும். … மிகக் குறைந்த பொதுவான வகுப்பிற்காக வடிவமைப்பதற்குப் பதிலாக, மிகவும் விளைவுத்திறமுள்ள இடங்கள் உண்மையில் அதைப் பயன்படுத்துபவர்களின் உள்ளீடுகளை மேம்படுத்துகின்றன.

மற்றொரு பங்கேற்பாளரான, பிரான்ஸ் நாட்டைச் சேர்ந்த ஒரு பஹாயும் நகர்ப்புற புவியியல் ஆராய்ச்சியாளரான தாலியா மெலிக், தங்கள் சமூகம் எதிர்கொள்ளும் பிரச்சனைகளைப் பற்றி ஆலோசிக்கக்கூடிய ஓர் அண்டைப்புறத்தின் அனைத்து மக்களுக்குமான சமூகத் தளங்களின் பற்றாக்குறை மக்களின் நீதி உணர்வு மற்றும் கூட்டுப் பொறுப்புக்கு ஏற்ப செயல்படுவதைத் தடுக்கலாம் என முன்மொழிந்தார்.

திருமதி மெலிக் விளக்குகையில், “ஓர் அண்டைப்புறத்திலுள்ள பிரிவினையின் பெரும் அநீதிகளில் ஒன்று, சொந்தக் குடியிருப்புப் பிளாக்கில் இருக்கும் சமத்துவமின்மை மற்றும் அடுத்த குடியிருப்பில் உள்ளவர்களின் வாழ்க்கை நிலைமைகள் பற்றி கூட பலருக்கு தெரியாமல் இருக்கின்றது. ஏனெனில், பல்வேறு சமூகங்கள் ஒன்றுசேரக்கூடிய சமூகத் தளங்கள் குறைவாகவே உள்ளன. “இறுதியில், பன்முகத்தன்மையில் ஒற்றுமை என்பது ஒரு முடிவு அல்ல … மாறாக, அது வெவ்வேறு தனிநபர்கள் தாங்கிவரும் திறன்களையும் வளத்தையும் பிரதிபலிக்கக்கூடிய ஒரு சமூகத்தின் தன்மைமாற்றத்திற்கு உழைப்பதற்கான ஒரு வழிமுறையாகும்.”

Read Full Post »



14 செப்டம்பர் 2021

முற்றிலும் பூர்த்தியாகிவிட்ட எஃகு மேல்கட்டமைப்பு, பாப்புவா நியு கினியின் போர்ட் மோரெஸ்பி பகுதியை நோக்கிய வண்ணம் உள்ளது.

போர்ட் மோரஸ்பி, பப்புவா நியூ கினி, 15 ஆகஸ்ட் 2021, (BWNS) – பப்புவா நியூ கினியின் (PNG) போர்ட் மோரஸ்பியில் உள்ள பஹாய் வழிபாட்டு இல்ல வளாகத்தின் சிக்கலான எஃகு அமைப்பை நிறைவு செய்ததன் மூலம் ஒரு குறிப்பிடத்தக்க மைல்கல் அடையப்பட்டுள்ளது.

நூற்றுக்கணக்கான எஃகு கூறுகள் தனித்தனியாக நிலைநிறுத்தப்பட்டு, குவிமாட கட்டமைப்பை முடிக்க ஒன்பது எஃகு வலைகளுடன் இணைக்கப்பட்டதைத் தொடர்ந்து இந்த சமீபத்திய வளர்ச்சி வருகிறது, குவிமாடத்தில் ஓக்குலஸ் (Occulus) ஆதரவு சட்டகம் உயர்த்தப்பட்டது.

1990 களில் இருந்து PNG பஹாய்களின் உரிமை மற்றும் பராமரிப்பில் இருந்துவரும் வழிபாட்டு இல்ல தளம், கோவிலின் முக்கியத்துவம் மற்றும் எடுக்கப்பட்டுள்ள புதுமையான அணுகுமுறைகள் பற்றி அறிய ஆர்வமுள்ள, மத்திய கட்டிடத்திற்கான சிக்கலான எஃகு அமைப்பு போன்ற அதன் கட்டுமானத்திற்காக, பார்வையாளர் குழுக்களை ஏற்கெனவே பெறத் தொடங்கியுள்ளது. .

சமீபத்திய பார்வையாளர்களுள், PNG இன்ஸ்டிடியூட் ஆப் ஆர்கிடெக்ட்ஸ் உறுப்பினர்கள் மற்றும் நாட்டின் முக்கிய தேசிய ஒளிபரப்பு ஊடகங்களில் ஒன்றான EMTV உட்பட பல்வேறு ஊடகங்களின் ஊடகவியலாளர்கள் உள்ளடக்கியுள்ளனர்.

PNG இன்ஸ்டிடியூட் ஆப் ஆர்கிடெக்ட்ஸின் தலைவர் ஜோர்டான் தேகாப்வாசா தளத்திற்கு வருகை தந்தபோது, “இவ்வழியே செல்லும் ஒவ்வொரு முறையும் நாங்கள் இந்த கட்டுமான திட்டத்தை பார்க்கிறோம். இது அனைவரிலும் ஆர்வ உணர்வால் நிரப்பியுள்ளது,” என்றார்.

பஹாய் வெளிவிவகார அலுவலகத்தின் ஜெசினா வோல்மர், வழிபாட்டு இல்லம் எவ்வாறு ஒற்றுமையின் அடையாளமாக விளங்குகிறது என்பதை விளக்குகிறார். “அதன் கதவுகள் திறக்கப்படும்போது, ​​வயது, பாலினம், இனம், வகுப்பு அல்லது நம்பிக்கை ஆகியவற்றைப் பொருட்படுத்தாமல் அனைவரும் வரவேற்கப்படுவார்கள். பிரார்த்தனை செய்வதற்கும், நம் படைப்பாளருடன் தொடர்புகொள்வதற்கும், சமூகத்திற்கு எவ்வாறு சேவை செய்ய வேண்டும் என்பதைப் பிரதிபலிப்பதற்கும் வழிபாட்டு இல்லம் அமைதியான மரியாதைக்குரிய இடமாக இருக்கும்.

கட்டுமானப் பணிகளில் முன்னேற்றம் news.bahai.org-யில் உள்ள படங்களின் தொகுப்பில் இடம்பெற்றுள்ளது.

வழிபாட்டு தளத்திற்கு பல்வேறு ஊடகங்களைச் சேர்ந்த ஊடகவியலாளர்கள் குழு கோவிலுக்கு வருகையளித்து அதன் முக்கியத்துவத்தைப் பற்றி அறிந்து கொள்கிறது.
தொழிலாளர்கள் கட்டமைப்பின் எஃகு கூறுகளை மிகத் துல்லியமாக நிலைநிறுத்துகிறார்கள், அதே சமயம் ஒரு சர்வேயர் தரை மட்டத்திலிருந்து திசைகளை வழங்குகிறார்.
கட்டுமானத் தொழிலாளர்கள் குவிமாடத்தின் முன் தயாரிக்கப்பட்ட ஒன்பது அலகுகளில் முதல் நிலையை உயர்த்துகின்றனர்.
குவிமாடத்தின் உச்சியில் உயர்த்தப்படுவதற்கு முன், ஓக்குலஸ் ஆதரவு சட்டமானது முதலில் தரை மட்டத்தில் பூட்டப்படுகிறது
சுருக்க வளையத்தின் எஃகு பின்னல் கூறுகள் கோவிலின் குவிமாடத்தின் உச்சியில் ஒன்றாக வருகின்றன.
கோயிலின் பிரதான நுழைவு விதானத்திற்குச் செல்லும் படிக்கட்டுகளை நிர்மாணிப்பதற்காக தரையை வலுப்படுத்த கான்கிரீட் ஊற்றப்படுகிறது. கீழ் படம் ஒன்பது செட் படிக்கட்டுகளில் ஒன்றைக் காட்டுகிறது.
தொழிலாளர்கள் மறுசுழற்சி செய்யப்பட்ட மரக்கட்டைகளை இறக்குகிறார்கள், அவை ஒவ்வொரு நுழைவு விதானத்தின் கீழும் வரிசையாக இருக்கும் மற்றும் மத்திய கட்டிடத்தின் உட்புற சுவர்கள் முழுவதும் தொடரும்.
முடிக்கப்பட்ட குவிமாடம் மற்றும் விதான கட்டமைப்புகள் இப்போது வெளிப்புற உறைப்பூச்சு போடப்பட தயாராக உள்ளது.
எஃகு பிரதான கட்டமைப்பு நிறைவடைந்தவுடன், போர்ட் மோர்ஸ்பியின் வைகானி பகுதியை நெருங்கும்போது வழிபாட்டு இல்லத்தின் வளர்ந்து வரும் வடிவம் எல்லா திசைகளிலிருந்தும் காணப்படுகிறது.

மூலாதாரம்: https://news.bahai.org/story/1524/

Read Full Post »



14 செப்டம்பர் 2021

இஸ்தான்புல், துருக்கி, 10 ஆகஸ்ட் 2021, (BWNS) – கலாச்சாரம் பெண்கள் குறித்த கண்ணோட்டத்தை எப்படி வடிவமைக்கிறது? பாலின சமத்துவத்தை அடைய கலாச்சாரத்தின் எந்தக் கூறுகள் பங்களிக்கின்றன மற்றும் எவை தடையாக செயல்படுகின்றன?

“அதிகாரிகள், கல்வியாளர்கள், பொது சமூக அமைப்புகள், கலைஞர்கள், எழுத்தாளர்கள், இளைஞர்கள், பெண்கள் மற்றும் ஆண்கள் போன்ற பல்வேறு நபர்களுடன் கடந்த பல மாதங்களாக இந்தக் கேள்விகள் குறித்து ஆராய்வதற்கு நாங்கள் ஒன்றுகூடி வருகிறோம்” என்கிறார் துருக்கியின் பஹாய் வெளிவிவகார அலுவலகம் ஏற்பாடு செய்த தொடர் வட்டமேசை விவாதங்களின் பங்கேற்பாளர்களுள் ஒருவரான இஸ்தான்புல்லிலிருந்து வரும் ஒரு நாவலாசிரியர்.

துருக்கியில் பாலின சமத்துவம் பற்றிய சொற்பொழிவில், கலாச்சாரம் குறித்த கேள்வியை ஆராய ஒரு வாய்ப்பை வழங்கும் சில விவாதத் தளங்கள் உள்ளன. இந்த அவதானிப்பின் அடிப்படையில், கல்வி, கலைகள், குடும்ப வாழ்க்கை ஆகியன தொடர்புடைய கருப்பொருள்களைத் தொடும் இந்தத் தொடர் வட்டமேஜைகளை அலுவலகம் தொடங்கியது.

“சமூக மாற்றத்திற்கான அடிப்படையாக பெண்களுக்கும் ஆண்களுக்கும் இடையிலான சமத்துவம் குறித்த முக்கிய கொள்கை இந்த உரையாடல்களின் மையத்தில் உள்ளது” என வெளிவிவகார அலுவலகத்தின் சூஸன் கராமன் கூறுகிறார்.

இந்த பிரச்சினையில் சம்பந்தப்பட்ட ஒரு பரவலான குறுக்களவு மக்கள் தங்கள் சமூகத்தின் மெய்ம்மையை ஆராய்வதற்கும் சமூக சக்திகளின் செயல்பாட்டை பகுப்பாய்வு செய்வதற்கும் ஒரு அரிய வாய்ப்பை வட்டமேஜைகள் வழங்கியுள்ளன என திருமதி கராமன் விளக்குகிறார்.

கல்வி குறித்த கருப்பொருளில் சமீபத்தில் நடந்த ஒரு கூட்டத்தில், பெண்கள் சக்தியளிப்பில் கவனம் செலுத்திய ஓர் அமைப்பின் பிரதிநிதி, கல்வியின் ஒவ்வோர் அம்சத்தையும் ஆராய வேண்டியதன் அவசியம் குறித்து கருத்து தெரிவித்தார். பாலினப் பாத்திரங்கள் குறித்த மக்களின் எண்ணங்கள் எவ்வாறு உருவாகலாம் என்பதற்கு ஓர் எடுத்துக்காட்டாகப் பாடப்புத்தகங்களை மேற்கோள் காட்டி, அவர் குறிப்பிட்டார்: “ஒரு கணித பாடப்புத்தகத்தில் உள்ள விளக்கங்கள் கூட, சில பாத்திரங்களில் மட்டுமே பெண்களைச் சித்தரித்து, ஒரே மாதிரியான வடிவங்களை வலுப்படுத்தும்போது,  அது சிந்தனா முறைகளை பாதிக்கவே செய்யும்.”

நாட்டின் ஒரு பெரிய பல்கலைக்கழகத்தின் மதத் துறையின் சமூகவியல் துறை தலைவரான மற்றொரு பங்கேற்பாளர் மேலும் விரிவுபடுத்தினார்: “கலாச்சாரத்தில் மாற்றம் என்பது கலாச்சார பன்முகத்தன்மையை அல்லது கலாச்சாரத்தின் நேர்மறையான அம்சங்களை சீர்குலைப்பதல்ல, மாறாக ஆணாதிக்க மரபுகள், ஸ்டீரியோடைப்புகள், சமத்துவத்தை அடைவதற்கு தடையாக இருக்கும் தலைமுறைகளாகக் கடந்து வந்துள்ள பாலின பாத்திரங்கள் ஆகியவற்றை மாற்றுவதாகும். “

கல்வி பெரும்பாலும் பொருளாதார இயக்கம் மற்றும் அதிக வேலை வாய்ப்புகளுக்கான வழிமுறையாகக் காணப்பட்டாலும், ஆன்மீக ரீதியாகவும் ஒழுக்க ரீதியாகவும் மக்கள் அதிக அளவில் ஒற்றுமையைத் தேடுவதற்கும் சமூக மாற்றத்தை நோக்கிச் செயல்படுவதற்கும் ஒரு வகையான கல்வி தேவை என்பதை பங்கேற்பாளர்கள் அவதானித்தனர்.

“சமத்துவம் என்பது நமது சமுதாயத்தின் மிக முக்கியமான பிரச்சினைகளில் ஒன்றாக இருக்கின்றது” என வட்டமேஜைகளின் பங்கேற்பாளரான உள்ளூர் அதிகாரி ஒருவர் கூறினார்.

அவர் தொடர்ந்து கூறுவதாவது: “இது வரலாறு முழுவதும் மனித குடும்பத்தின் மிகவும் புறக்கணிக்கப்பட்ட மற்றும் மீறப்பட்ட விழுமியங்களில் ஒன்றாகும். நீண்ட தூரம் செல்ல வேண்டியிருந்தாலும், சமத்துவத்தை நோக்கிய பயணத்தில் பங்களிக்கும் ஒவ்வொரு முயற்சியும் ஒரு வழிபாட்டைப் போன்றது, ஆதலால் அது பாராட்டத்தக்கதாகும். சமூகத்தில் இந்த விழுமியத்தைப் பற்றிய ஆழமான புரிதலை ஊக்குவிப்பதும், ஒன்றிணைந்து செயல்படுவதன் மூலம் அனைத்துத் தரப்பு மக்களையும் சென்றடைவது முக்கியமாகும்.

செய்திச் சேவையுடன் பகிரப்பட்ட கருத்துக்களில், இக்கூட்டங்களின் ஒன்றிணைக்கும் சூழ்நிலையை ஓர் ஆசிரியர் விவரிக்கிறார்: “துருக்கியின் பல்வேறு பகுதிகளிலிருந்து, நாங்கள் ஒருவர் மற்றவரிடமிருந்து கற்றுக்கொள்ள எங்கள் கணினிகளுக்கு விரைகிறோம் – நாங்கள் பேசுகிறோம், செவிமடுக்கின்றோம், கேள்வி கேட்கிறோம், புரிந்துகொள்கிறோம். சில வழிகளில் நாம் அனைவரும் வித்தியாசமாக இருந்தாலும், நாம் ஒருவரை ஒருவர் நேசிக்கவும் நம்பவும் ஆரம்பித்திருக்கிறோம். இந்த வாய்ப்பு அதிக புரிதலையும் ஒற்றுமையையும் உருவாக்கியுள்ளது. இந்தச் சிரமங்கள் நிறைந்த உலகில் இது நம் ஆன்மாக்களுக்கும் இதயங்களுக்கும் மகிழ்ச்சியளித்துள்ளது.

மூலாதாரம்: https://news.bahai.org/story/1523/

Read Full Post »


பஹாய்கள் இன்று சமூக நிர்மாணிப்புப் பணிகளிலும் உலகில் நீதியை ஸ்தாபிப்பதிலும் ஈடுப்பட்டு வருகின்றனர். அதற்காக அவர்கள் தங்களின் வாக்களிப்பு உரிமைகளைப் பயன்படுத்துவதில்லை எனப் பொருள்படாது. அவர்கள் தங்கள் வாக்குரிமையைப் பயன்படுத்துவது, தங்கள் சமயத்தின் கொள்கைகளுடன் ஒத்துப்போகும் வழிகளில் வாதிடுவது ஆகியவற்றின் மூலம் ஜனநாயகத்தை ஆதரிக்கவே செய்கின்றனர். கல்வி, இன நீதி, மனித உரிமைகள், சுற்றுச்சூழல் மற்றும் சமூகத்தின் சுகாதாரம் மற்றும் நலன் போன்ற முக்கிய விஷயங்களில் நடவடிக்கை எடுக்க தங்களின் சட்டமன்ற உறுப்பினர்களை ஊக்குவிப்பதும் இதில் அடங்கும்.

Lds Unity In Diversity Clipart | Free Images at Clker.com - vector clip art  online, royalty free & public domain

அவர்கள் பஹாவுல்லாவின் தெய்வீகத் திட்டத்தின் முழு காட்சியையும் மனதில் கொண்டு தங்கள் காரியங்களில் ஈடுபடுகின்றனர். மனிதகுல ஒருமை எனும் அடிப்படைக் கொள்கையை மையமாகக் கொண்டு, மனிதகுலத்தை அதன் இளமைப் பருவத்திலிருந்து முதிர்ச்சிக்குத் தன்மைமாற்றுவதற்கான நம்பிக்கைக்குரிய புதிய வழிகளை அவரது திருவெளிப்பாடு வழங்குகிறது.

ஆதலால், மனுக்குல ஒருமையை மனதில் கொண்டு அதற்கு எதிரானவற்றைத் தூண்டுகின்ற கட்சி சார்புடைய அரசியலில் அவர்கள் ஈடுபடுவதைத் தவிர்க்கின்றனர், அதாவது அரசியல் கட்சிகளில் உறுப்பினராவது. உலகளாவிய பஹாய் சமூகம் “உலகம் ஒரே நாடு, மனிதர்கள் அதன் பிரஜைகள்” என்னும் பஹாவுல்லாவின் பிரகடனத்தை அடிப்படையாகக் கொண்டு இயங்குகிறது.

பஹாவுல்லாவின் மகனார், அப்துல்-பஹா, “…நாங்கள் எந்த கட்சியையும் சேர்ந்தவர்கள் அல்ல,” எனக்கூறுகின்றார்.

உலகம் எதிர்கொள்ளும் பெரும்பாலான தீமைகள் அடிப்படையில் ஆன்மீக இயல்புடையவை, எனவே மூல காரணத்தை நிவர்த்தி செய்வதற்கான தீர்வுகளும் ஆன்மீகமானவையாக இருக்க வேண்டும். பஹாய் திருவாக்குகள் இவ்வாறு குறிப்பிடுகின்றன: “…லௌகீக உலகின் செயல்பாடானது அதன் ஆன்மீக நிலைமைகளின் பிரதிபலிப்பாகும். ஆன்மீக நிலைமைகள் மாறும் வரை, லௌகீக விவகாரங்களில் சிறந்த, நீடித்த மாற்றம் ஏற்படுவதற்கு வாய்ப்பில்லை.”

மிக அடிப்படையான பஹாய் போதனையை நாம் கருத்தில் கொள்வோம் – மனித குடும்பம் ஒன்று மட்டுமே உள்ளது. நாம் இதை உண்மையாக நம்பி, பூமியில் உள்ள ஒவ்வொரு மனிதனையும் அவர் நமது குடும்பத்தின் உறுப்பினரே என்பதைக் கற்பனை செய்து பாருங்கள். வறுமை, பசி, இனவெறி மற்றும் மனித உரிமை இல்லாமை போன்ற சமூகக் கோளாறுகளை இந்த நம்பிக்கை மாற்றக்கூடியது அல்லவா? நாம் மட்டும் நிறைய சாப்பிடும் போது நமது குடும்பத்தில் உள்ள ஒருவர் பசியுடன் இருந்திட அனுமதிக்க மாட்டோம். ஒவ்வொரு உயிரும் உன்னதமானது மற்றும் கண்ணியமானது என மதிப்போம்.

நாம் வாழும் இந்த கொந்தளிப்பான நேரமானது, இறுதியில் பெரும் ஒற்றுமைக்கும் அமைதிக்கும் வழிவகுத்திடும் என பஹாய்கள் முழுமையாக நம்புகிறார்கள் – வளர்ச்சியுறும் குழப்பங்கள் ஒரு கரிம செயல்முறையின் இயற்கையான கட்டமாக, மனிதகுலத்தை ஒன்றிணைத்திட வழிவகுக்கக்கூடியவை. பஹாவுல்லா, நோய்களைக் கண்டறிந்து அவற்றைக் குணப்படுத்தவல்ல ஒரு தெய்வீக மருத்துவராகப் பார்க்கப்பட வேண்டும்; அதே சமயம், அரசியலில், பெரும்பாலும் ஒற்றுமையற்ற வழிகளில், எதிர்மறையான வழிகளில் பல்வேறு பிரச்சனைகளும் பக்க விளைவுகளும் கையாளப்படுவதைக் நாம் அடிக்கடி காண்கின்றோம்.

தங்கள் சமூகங்கள் மற்றும் நாடுகளின் நலனில் மிகவும் அக்கறை கொண்டாலும், மனிதகுலத்திற்குச் சேவை செய்ய விரும்பினாலும், பஹாய்கள் கட்சி சாராத வழிகளில் பங்கேற்று சச்சரவுகளுக்கு மேற்பட்டவர்களாக இருந்திட முயல்கிறார்கள். இது இந்த எதிர்முணைகளால் பீடிக்கப்பட்டுள்ள காலங்களில் ஒரு பெரிய சவாலாகும். கீழே உள்ள மேற்கோள்கள் பஹாய் கொள்கைகள் குறித்து அதிக விளக்கத்தை வெளிப்படுத்துகின்றன:

“பஹாய்கள் ஏன் அரசியலில் ஈடுபடுவதில்லை?”

பஹாய்கள் இன்று சமூக நிர்மாணிப்புப் பணிகளிலும் உலகில் நீதியை ஸ்தாபிப்பதிலும் ஈடுப்பட்டு வருகின்றனர். அதற்காக அவர்கள் தங்களின் வாக்களிப்பு உரிமைகளைப் பயன்படுத்துவதில்லை எனப் பொருள்படாது. அவர்கள் தங்கள் வாக்குரிமையைப் பயன்படுத்துவது, தங்கள் சமயத்தின் கொள்கைகளுடன் ஒத்துப்போகும் வழிகளில் வாதிடுவது ஆகியவற்றின் மூலம் ஜனநாயகத்தை ஆதரிக்கவே செய்கின்றனர். கல்வி, இன நீதி, மனித உரிமைகள், சுற்றுச்சூழல் மற்றும் சமூகத்தின் சுகாதாரம் மற்றும் நலன் போன்ற முக்கிய விஷயங்களில் நடவடிக்கை எடுக்க தங்களின் சட்டமன்ற உறுப்பினர்களை ஊக்குவிப்பதும் இதில் அடங்கும்.

அவர்கள் பஹாவுல்லாவின் தெய்வீகத் திட்டத்தின் முழு காட்சியையும் மனதில் கொண்டு தங்கள் காரியங்களில் ஈடுபடுகின்றனர். மனிதகுல ஒருமை எனும் அடிப்படைக் கொள்கையை மையமாகக் கொண்டு, மனிதகுலத்தை அதன் இளமைப் பருவத்திலிருந்து முதிர்ச்சிக்குத் தன்மைமாற்றுவதற்கான நம்பிக்கைக்குரிய புதிய வழிகளை அவரது திருவெளிப்பாடு வழங்குகிறது.

ஆதலால், மனுக்குல ஒருமையை மனதில் கொண்டு அதற்கு எதிரானவற்றைத் தூண்டுகின்ற கட்சி சார்புடைய அரசியலில் அவர்கள் ஈடுபடுவதைத் தவிர்க்கின்றனர், அதாவது அரசியல் கட்சிகளில் உறுப்பினராவது. உலகளாவிய பஹாய் சமூகம் “உலகம் ஒரே நாடு, மனிதர்கள் அதன் பிரஜைகள்” என்னும் பஹாவுல்லாவின் பிரகடனத்தை அடிப்படையாகக் கொண்டு இயங்குகிறது.

பஹாவுல்லாவின் மகனார், அப்துல்-பஹா, ““எங்கள் கட்சி கடவுளின் கட்சி; நாங்கள் எந்த கட்சியையும் சேர்ந்தவர்கள் அல்ல,” எனக்கூறுகின்றார்.

உலகம் எதிர்கொள்ளும் பெரும்பாலான தீமைகள் அடிப்படையில் ஆன்மீக இயல்புடையவை, எனவே மூல காரணத்தை நிவர்த்தி செய்வதற்கான தீர்வுகளும் ஆன்மீகமானவையாக இருக்க வேண்டும். பஹாய் திருவாக்குகள் இவ்வாறு குறிப்பிடுகின்றன: “…லௌகீக உலகின் செயல்பாடானது அதன் ஆன்மீக நிலைமைகளின் பிரதிபலிப்பாகும். ஆன்மீக நிலைமைகள் மாறும் வரை, லௌகீக விவகாரங்களில் சிறந்த, நீடித்த மாற்றம் ஏற்படுவதற்கு வாய்ப்பில்லை.”

மிக அடிப்படையான பஹாய் போதனையை நாம் கருத்தில் கொள்வோம் – ஒரு மனித குடும்பம் ஒன்று மட்டுமே உள்ளது. நாம் இதை உண்மையாக நம்பி, பூமியில் உள்ள ஒவ்வொரு மனிதனையும் அவர் நமது குடும்பத்தின் உறுப்பினரே என்பதைக் கற்பனை செய்து பாருங்கள். வறுமை, பசி, இனவெறி மற்றும் மனித உரிமை இல்லாமை போன்ற சமூகக் கோளாறுகளை இந்த நம்பிக்கை மாற்றக்கூடியது அல்லவா? நாம் மட்டும் நிறைய சாப்பிடும் போது நமது குடும்பத்தில் உள்ள ஒருவர் பசியுடன் இருந்திட அனுமதிக்க மாட்டோம். ஒவ்வொரு உயிரும் உன்னதமானது மற்றும் கண்ணியமானது என மதிப்போம்.

நாம் வாழும் இந்த கொந்தளிப்பான நேரமானது, இறுதியில் பெரும் ஒற்றுமைக்கும் அமைதிக்கும் வழிவகுத்திடும் என பஹாய்கள் முழுமையாக நம்புகிறார்கள் – வளர்ச்சியுறும் குழப்பங்கள் ஒரு கரிம செயல்முறையின் இயற்கையான கட்டமாக, மனிதகுலத்தை ஒன்றிணைத்திட வழிவகுக்கக்கூடியவை. பஹாவுல்லா நோய்களைக் கண்டறிந்து அவற்றைக் குணப்படுத்தவல்ல ஒரு தெய்வீக மருத்துவராக பார்க்கப்பட வேண்டும்; அதே சமயம், அரசியலில், பெரும்பாலும் ஒற்றுமையற்ற வழிகளில், எதிர்மறையான வழிகளில் பல்வேறு பிரச்சனைகளும் பக்க விளைவுகளும் கையாளப்படுவதைக் நாம் அடிக்கடி காண்கின்றோம்.

தங்கள் சமூகங்கள் மற்றும் நாடுகளின் நலனில் மிகவும் அக்கறை கொண்டாலும், மனிதகுலத்திற்கு சேவை செய்ய விரும்பினாலும், பஹாய்கள் கட்சி சாராத வழிகளில் பங்கேற்று சச்சரவுகளுக்கு மேற்பட்டவர்களாக இருந்திட முயல்கிறார்கள். இது இந்த எதிர்முணைப்படுத்தப்பட்ட காலங்களில் ஒரு பெரிய சவாலாகும். கீழே உள்ள மேற்கோள்கள் பஹாய் கொள்கைகள் குறித்து அதிக விளக்கத்தை வெளிப்படுத்துகின்றன:

“சமயமானது, எந்த தேசத்தின் உண்மையான நலன்களுக்கும் எதிரானது அல்ல, எந்தக் கட்சி அல்லது பிரிவினருக்கும் எதிரானது அல்ல. அது அனைத்து சர்ச்சைகளிலிருந்தும் விலகி நிற்பதுடன் அவை அனைத்திற்கும் மேம்பட்டு இருக்கின்றது. “

“பஹாவுல்லாவின் நம்பிக்கையாளர்கள் தங்களை அடையாளப்படுத்திக் கொண்டுள்ள சமயத்தை, அரசியல் அரங்கின் புயல்கள், பிளவுகள், சர்ச்சைகள் ஆகியவற்றுக்கும் மேலாக கடவுள் உயர்த்தியுள்ளார் என அவர்கள் உறுதியாக நம்புகிறார்கள். அவர்களின் சமயமானது, அடிப்படையில் அரசியல் சார்பற்றது, பண்பில் தேசிய உணர்வுகளுக்கும் மேம்பட்டது, தீவிரமாக கட்சி சார்பற்றது, மற்றும் தேசீய இலட்சியங்கள், குறிக்கோள்கள் மற்றும் நோக்கங்களிலிருந்து முற்றிலும் விலக்கப்பட்டுள்ளது. அத்தகைய சமயத்திற்கு வர்க்கம் அல்லது கட்சி பிரிவினை கிடையாது.

அவர்கள் வசிக்கும் இடங்களின் கொள்கைகள் மற்றும் விவகாரங்களைப் பற்றி அலட்சியமாக இருப்பதற்குப் பதிலாக, பஹாய்கள் தங்கள் அரசாங்கத்தின் மற்றும் மக்களின் நலன்களை மேம்படுத்துதல் எனும் “புனிதக் கடமையை” உணர்ந்தே இருக்கின்றனர். பஹாய்கள் “சுயநலமற்ற, தன்னலமற்ற மற்றும் நேரடியானதும் தேசபக்திமிக்கதுமான பாணியில், ஒருவர் சேர்ந்த நாட்டின் மிக உயர்ந்த நலன்களுக்கு சேவை செய்ய அழைக்கப்படுகிறார்கள். இதை சமயத்தின் போதனைகளுடன் தொடர்புள்ள நேரிமை மற்றும் வாய்மையின் செந்தரங்களிலிருந்து சிறிதும் விலகாத முறையில் மேற்கொள்கின்றனர்.

நாம் அனைவரும் பாகுபாடு மற்றும் கருத்தியல் பிளவுகளைத் தாண்டி நமது ஆன்மீக விழுமியங்கள் மற்றும் கொள்கைகளின் மூலம் வாழ்வதற்கான வழிகளைக் கருத்தில் கொள்வோமாக.

(https://cumberlink.com/lifestyles/faith-and-values/faith-in-focus-bahai-non-involvement-in-partisan-politics/article_ad9a9f60-fafc-57ff-8be7-302befbef8cd.html) எனும் இணையப்பக்கத்தின் தழுவல்

Read Full Post »



14 செப்டம்பர் 2021

ஒட்டாவா, கெனடா, 3 ஆகஸ்ட் 2021, (BWNS) – கடந்த வாரம் நடைபெற்ற பஹாய் படிப்பாய்வுகள் சங்கத்தின் (ABS) 45’வது வருடாந்திர மாநாடு, சிந்தனை மற்றும் சொல்லாடல்களின் ஒரு பரந்ததும் பல்வேறு துறைகளுக்குப பங்களிப்பதற்கான அவர்களின் முயற்சிகளின் மீது பிரதிபலிப்பதற்கு 2,500’க்கும் மேற்பட்ட மக்களை ஒன்றுகூட்டியது.

கடந்த ஆண்டு போலவே, வழக்கமாக ஒரு பௌதீகமான அரங்கில் நடைபெறும் மாநாடு, பெருந்தொற்றின் காரணமாக இணையத்திற்கு மாற்றப்பட்டது. சங்கத்தின் நிர்வாகக் குழுவின் செயலாளர் ஜூலியா பெர்கர், அமர்வுகளில் அதிக பங்கேற்பை உறுதி செய்வதற்காக எவ்வாறு நிகழ்ச்சியை ஏற்பாடு செய்வதில் சங்கம் மிகுந்த அக்கறை எடுத்துள்ளது என்பதை விளக்குகிறார்.

“நேரில் கூடிவருவதை இயலாமல் செய்த சில சவால்கள் மற்றும் கட்டுப்பாடுகள் இருந்தபோதிலும் இந்த மாநாட்டில் சிந்தனையைத் தூண்டும் மற்றும் கலகலப்பான விவாதங்கள் இடம்பெற்றன.

“பல அமர்வுகள் இரண்டு பகுதிகளாக நடத்தப்பட்டன, முதலாவது, முன்கூட்டியே கிடைக்கப்பெற்ற, முன்பதிவு செய்யப்பட்ட விளக்கக்காட்சிகள், இரண்டாவது, வளமான விவாதங்களுக்கு அதிக நேரத்தை அனுமதித்த, மாநாட்டின் போது நடைபெற்ற நேரடி அமர்வுகள்,”

இந்த ஆண்டு இறுதியில் ‘அப்துல்-பஹா மறைவின் நூற்றாண்டை நினைவுகூர்வதற்கு உலகளாவிய பஹாய் சமூகம் தயாராகி வரும் நேரத்தில் இந்த 9-நாள் மாநாடு நடந்தது. “அப்துல்-பஹாவின் அடிச்சுவடுகளில்: நமது காலத்தின் சொல்லாடல்களுக்குப் பங்களிப்பு” எனும் தலைப்பில், மாநாட்டு நிகழ்ச்சி, சமுதாய நீதியின் சாம்பியன் மற்றும் மனிதகுலத்தின் ஒருமை குறித்த கொள்கையை நிலைநிறுத்துபவர் எனும் முறையில் அவரது வாழ்க்கையிலிருந்து உத்வேகம் பெற்றது.

பங்கேற்பாளர்கள் சமூகத்தின் அறிவார்ந்த மற்றும் தார்மீக வாழ்க்கைக்கு பங்களிக்கும் ‘அப்துல்-பஹா’வின் ஒருங்கிணைந்த அணுகுமுறையை நினைவுகூர்ந்தனர். சமகால பிரச்சனைகள் மற்றும் இக்கால பிரச்சனைகளுக்கு அவர் பஹாய் கொள்கைகளைப் பயன்படுத்திய முறை, சமூக முன்னேற்றத்திற்குப் பங்களிப்பதில் பத்திரிக்கையின் பங்கு, தப்பெண்ணங்களை சமாளிக்க மக்களுக்கு உதவுவதில் திரைப்படத்தின் சக்தி, நியாயமான மற்றும் நிலையான உணவு முறைகளை உருவாக்குவதற்கான முயற்சிகள், நாகரிகத்தின் முன்னேற்றத்திற்கு அவசியமான அறிவியல் மற்றும் மதத்தின் இரட்டை அறிவு அமைப்புகள், உள்ளிட்ட பல்வேறு கருப்பொருள்கள் குறித்து கலந்துரையாடல்களுக்கு அறிவூட்டியது..

அமர்வுகளில் ஒன்று, நவீன சமுதாயத்தின் அறிவுசார் அஸ்திவாரங்கள் மற்றும் அவற்றின் சாத்தியமான மாற்றம் பற்றிய இடைநிலை ஆராய்ச்சியுடன் மையத்தின் அனுபவத்தைப் பற்றி விவாதிக்க நவீனத்துவ நிலைமாற்ற மையத்தின் (COMIT) இயக்குனர்களை ஒன்றிணைத்தது, மையத்தின் பணியானது, நவீனத்துவம் என்பது அமைதி, நீதி, லௌகீக மற்றும் ஆன்மீக வளத்தின் முன் எப்போதுமில்லாத அளவுகளால் வகைப்படுத்தப்படும் ஒரு வருங்கால உலக நாகரிகத்தை நோக்கிய மாற்றத்திற்கான காலம் எனும் எண்ணத்தினால் உத்வேகம் பெறுகின்றது.

மாநாடுகளின் எதிர்காலம் பற்றி பேசுகையில், டாக்டர் பெர்கர் கூறுவதாவது: “ஒவ்வோர் ஆண்டும் பங்கேற்பாளர்கள் ஆழமான பஹாய் போதனைகளை ஆராய்ந்து, அறிவின் பல்வேறு துறைகளில் முன்னோக்குகளுடன் அவற்றை உடனிணைத்து, மனிதகுலத்தின் தற்போதைய பிரச்சினைகள் மற்றும் சவால்களுக்கு அவற்றைப் பயன்படுத்திட முயலக்கூடும் எனும் முறையில், இது கற்றல் செயல்பாட்டில் ஒரு நிறுத்தற்குறியாக மாறும் என்பதே மாநாட்டின் பரிணாம வளர்ச்சிக்கான எங்கள் நம்பிக்கையாகும்.”

தேர்ந்தெடுக்கப்பட்ட மாநாட்டு அமர்வுகளின் பதிவுகள் ABS இணையதளத்தில் கிடைக்கும்.

மூலாதாரம்: https://news.bahai.org/story/1522/

Read Full Post »