BIC பிரஸ்ஸல்ஸ்: சமுதாய ஒற்றுமைக்கான புதிய ஐரோப்பிய அணுகுமுறைக்கு அறிக்கை அழைப்பு விடுக்கிறது

22 மார்ச் 2025

BIC பிரஸ்ஸல்ஸ் — பஹாய் அனைத்துலக சமூகத்தின் பிரஸ்ஸல்ஸ் அலுவலகம் (BIC) ஐரோப்பிய ஒன்றியத்தின் (EU) கொள்கைகள் மற்றும் இனவெறியை எதிர்த்துப் போராடுவதற்கான சமூக அணுகுமுறைகளைத் தெரிவிக்கும் பல கொள்கைகளை கோடிட்டுக் காட்டும் அறிக்கையை வெளியிட்டுள்ளது.

“ஐரோப்பிய ஒன்றியத்தின் இனவெறி எதிர்ப்பு மூலோபாயத்தை நோக்கி” என்னும் தலைப்பிலான அறிக்கை, அதன் முதல் இனவெறி எதிர்ப்பு நடவடிக்கைத் திட்டம் 2020-2025 தொடங்கப்பட்டு கிட்டத்தட்ட ஐந்து ஆண்டுகளுக்குப் பிறகு, அதன் இனவெறி எதிர்ப்பு முயற்சிகளின் அடுத்த கட்டத்தை ஐரோப்பிய ஒன்றியம் ஆலோசித்து வருகிறது. அந்தத் திட்டம் 2020-இல் இன நீதிக்கு அழைப்பு விடுக்கும் உலகளாவிய ஆர்ப்பாட்டங்களை அடுத்து அறிமுகப்படுத்தப்பட்டது.

இனவெறி சமூக முன்னேற்றத்திற்கான மிக அழுத்தமான தடைகளில் ஒன்றாக இருப்பதால், BIC அறிக்கை மிகவும் அடிப்படையான மாற்றத்திற்கான அவசியத்தை வலியுறுத்துகிறது. “மனிதகுலம் பிரிக்க முடியாதது என்னும் கொள்கையை முழு மனதுடன் ஏற்றுக் கொள்ளாமல், எதேச்சதிகாரமான மற்றும் கற்பனையான பிளவுகள் — ‘நாம்’ மற்றும் ‘அவர்கள்’ — தொடர்ந்து சமூகத்தின் துண்டுபடுதலை மேலும் ஆழப்படுத்திடும்,” என அறிக்கை கூறுகிறது.

முற்றிலும் தண்டனைக்குரிய நடவடிக்கைகள், அவசியமானாலும், அது இனவெறிக்கான மூல காரணங்களை நிவர்த்தி செய்யாது என அது மேலும் கூறுகிறது.

பிரஸ்ஸல்ஸ் அலுவலகத்தைச் சேர்ந்த ரேச்சல் பயானி, செய்திச் சேவையுடனான உரையாடலில், நீடித்த மாற்றத்திற்கு சட்டக் கட்டமைப்பை விட மேலும் அதிகமாகத் தேவைப்படும் என விளக்கினார். “மனிதகுலத்தின் பகிரப்பட்ட அடையாளத்தைப் பற்றிய ஆழமான புரிதலை வளர்க்கும் தன்மைமாறும் கொள்கைகள் தேவை — இதற்கு அனைவரின் பங்களிப்பும் தேவை.”

கவனக்குறைவாக, தற்போதுள்ள பிளவுகளை ஆழப்படுத்தக்கூடிய மிகைப்படுத்தப்பட்ட மொழிவுகளுக்கு எதிராக அறிக்கை எச்சரிக்கிறது, மற்றும் உலகளாவிய பங்கேற்பு, சமூக ஒத்துழைப்பு மற்றும் மனிதகுலம் அனைவருக்கும் அர்ப்பணிப்பை வளர்க்கும் கல்வி அணுகுமுறைகள் உட்பட, பயனுள்ள இனவெறி எதிர்ப்பு மூலோபாயத்தின் பல முக்கிய பரிமாணங்களை மாற்றுக் கொள்கைகளுக்கான தேவை, கோடிட்டுக் காட்டுகிறது.

உலகெங்கிலும் உள்ள பஹாய் சமூக நிர்மாணிப்பு முயற்சிகளின் அனுபவங்களிலிருந்து, சமூக ஒற்றுமையைப் பேணி வளர்ப்பதற்கான முயற்சிகளில் அண்டைப்புறங்கள் முக்கிய பங்கு வகிக்கின்றன என திருமதி பயானி குறிப்பிட்டார்.

“ஒவ்வொருவரின் நல்வாழ்வுக்கும் சேவை செய்யும் ஒரு பொதுவான இலக்கில் பணியாற்றுவதற்காக மக்கள் தங்கள் உள்ளூர் சமூகங்களில் ஒன்றிணைந்தால், அது இணைவதற்கும், ஒருவர் மற்றவரின் அனுபவங்களிலிருந்து கற்றுக்கொள்வதற்கும், நம்புகையின் பிணைப்பை வலுப்படுத்துவதற்கும் இயற்கையான வாய்ப்புகளை உருவாக்குகிறது,” என அவர் கூறினார். “இந்த வகையான நோக்கத்துடன் தொடர்புகொள்வதன் மூலம் நமது பகிரப்பட்ட மானிடம் பற்றிய ஆழமான புரிதல் வேரூண்றிட முடியும்.”

மாற்றத்திற்கான விணையூக்கிகளாக இளைஞர்களின் மீது சிறப்பு கவனம் செலுத்துவதன் மூலம், இந்த தன்மைமாறும் செயல்முறை சமூகத்தின் அனைத்துப் பிரிவுகளையும் எவ்வாறு ஈடுபடுத்த வேண்டும் என்பதை அறிக்கை எடுத்துக்காட்டுகிறது. “மாற்றத்திற்கான முகவர்களாக இருப்பதற்கும், இந்த முயற்சிகளை வழிநடத்துவதற்கும் அவர்களின் உள்ளார்ந்த திறன் முழுமையாகப் பேணி வளர்க்கப்பட்டு ஊக்குவிக்கப்பட வேண்டும்” என அது கூறுகிறது. “அடித்தட்டில் உள்ள பலதரப்பட்ட மக்களிடையே புதிய உறவுகளைப் பேணி வளர்ப்பதற்கான முயற்சிகளில் இளைஞர்கள் முன்னணியில் இருக்க வேண்டும். போதுமான அளவு ஆதரவளிக்கப்படும் போது, ​​இளைஞர்கள் மக்களை ஒன்றிணைத்து, ஒழுங்கமைத்து, முழு சமூகத்தின் நல்வாழ்வை மேம்படுத்தும் செயல்களில் ஈடுபடும் குறிப்பிடத்தக்க திறனாற்றலைக் கொண்டுள்ளனர்.”

இந்தத் திறனைப் பேணி வளர்த்தல் என்பது குறிப்பிடத்தக்க முடிவுகள் எடுக்கப்படும் இடங்களில் அவை அர்த்தமுள்ளதாக இருப்பதை உறுதி செய்வதாகும் என திருமதி பயானி மேலும் வலியுறுத்தினார். “ஐரோப்பாவின் எதிர்காலத்தை வடிவமைப்பதில் பலதரப்பட்ட இளைஞர்களை ஈடுபடுத்துவதற்கான முயற்சிகள் மிகவும் முக்கியம் — ஒவ்வோர் இளைஞனும், தனது பின்புலத்தைப் பொருட்படுத்தாமல், தாங்கள் சொந்தமுள்ளோர் என உணர்கின்றனர், அத்துடன் நியாயமான மற்றும் ஒருங்கிணைந்த சமுதாயத்தை உருவாக்குவதற்குத் தீவிரமாகப் பங்களித்திட முடியும்,” என அவர் கூறினார்.

இங்கே பார்க்கக்கூடிய இந்த அறிக்கை, சமூக நல்லிணக்கம் பற்றிய உரையாடலுக்குப் பங்களிப்பதற்கான BIC-யின் தொடர்ச்சியான முயற்சிகளின் மீது நிர்மாணிக்கின்றது.

மூலாதாரம்: https://news.bahai.org/story/1786/

உரையாடலில்: பெண்கள் மற்றும் ஆண்கள் சமத்துவத்தின் ஆன்மீக அடித்தளங்களை பொட்காஸ்ட் ஆராய்கிறது

13 மார்ச் 2025

பஹாய் உலக மையம் — சமீபத்திய பஹாய் உலக செய்தி சேவை அத்தியாயத்தில், பஹாய் அனைத்துலக சமூகத்தின் (BIC) அடிஸ் அபாபா, பிரஸ்ஸல்ஸ், கெய்ரோ மற்றும் நியூயார்க் அலுவலகங்களின் பிரதிநிதிகள் பெண்களின் மேம்பாடு மற்றும் சமத்துவத்தின் ஆன்மீக அடித்தளங்கள் குறித்து பிரதிபலித்தனர்.

“கடந்த 50 ஆண்டுகளில், நாம் பெண்கள் மற்றும் சிறுமிகளின் நிலையில் முன்னேற்றம் கண்டுள்ளோம்” என நியூயார்க் அலுவலகத்தின் பானி டுகால் விளக்கினார். “ஆனால் மறுபுறம், நாம் ஒரு பின்னடைவைக் காண்கிறோம். சமத்துவம் என அழைக்கப்படுவதை நாம் அதிகம் பார்க்கும் நாடுகளில் கூட, பெண்களுக்கு எதிரான வன்முறைகள் அதிகரித்து வருவதைக் காண்கிறோம்.

கெய்ரோ அலுவலகத்தைச் சேர்ந்த ஹாடெம் எல்-ஹேடி இந்த மற்றும் பிற சவால்களின் மூலத்தைச் சுட்டிக்காட்டினார்: “பல்வேறு காரணங்களுக்காக ஏராளமான அனுமானங்கள் உள்ளன—கலாச்சார, வரலாற்று அல்லது மத விளக்கவுரைகள்—இவை பெண்களுக்கு, உண்மையில் ஒரு மனிதனின் உன்னதத்திற்கு ஏற்ற அந்தஸ்தை வழங்கவில்லை.”

அவர் மேலும் கூறியதாவது: “நமது முதன்மை அடையாளமான மனிதனின் உன்னதத்தை அங்கீகரிக்கும் அந்த அம்சம் இரண்டாம் நிலை அடையாளங்களின் வேறு எந்த அங்கீகாரத்தையும் முறியடிக்க வேண்டும்.”

பிரஸ்ஸல்ஸ் அலுவலகத்தைச் சேர்ந்த ரேச்சல் பயானி, அதிகாரம் பற்றி நிலவும் கருத்துக்கள், வாழ்க்கையின் பல துறைகளில் பெண்களின் முழுப் பங்கேற்புக்கு எவ்வாறு தடைகளை உருவாக்குகின்றன என்பதைப் பற்றிப் பேசினார். “அதிகாரம் என்ன என்பது குறித்து சில அனுமானங்கள் செய்யப்படுகின்றன. …சமூகத்தை உண்மையிலேயே தன்மைமாற்றும் மற்ற குணங்களை விட, பெண்கள் பெரும்பாலும் அந்தக் குணங்களையே பின்பற்ற ஊக்குவிக்கப்படுகிறார்கள்.

அடிஸ் அபாபா அலுவலகத்தைச் சேர்ந்த ஷெமோனா மூனிலால், முன்னேற்றத்திற்கு சமத்துவம் சார்ந்த சவால்களை எதிர்கொள்ள உள்ளடக்கிய உரையாடல் தேவை என வலியுறுத்தினார்: “பெண்கள் மற்றும் ஆண்களின் சமத்துவம் பற்றிய உரையாடலில் உண்மையில் முக்கியமானது யாதெனில், அது இருவரையுமே சேர்த்துக் கொள்ள வேண்டும். … மேன்மேலும், ஆண்கள் சேர்க்கப்படும்போது, இந்த கூட்டுக் கற்றல் செயல்முறை மேலும் வலுவடையும்.”

முறைமை மிக்க மாற்றத்திற்கு சமூகத்தின் பல்வேறு அம்சங்களுக்கு இடையில் ஆக்கபூர்வமான உறவுகள் தேவை என திருமதி மூனிலால் மேலும் கூறினார்: “மாற்றம் ஏற்படுவதற்கு ஸ்தாபனங்கள், சமூகம் மற்றும் தனிநபர்களுக்கு இடையிலான உறவு வலுவாக இருக்க வேண்டும். ஸ்தாபன மட்டத்தில், கொள்கைகள் இருந்தால், தன்மைமாற்றம் ஏற்படும் என சில அனுமானங்கள் உள்ளன. ஆனால் அது சில சமயங்களில் தனிநபரின் பங்கை அல்லது அவர்களை முன்னணியாளர்களாக எப்படிப் பார்ப்பது என்பதை எதிர்மறையாக்குகின்றது.

உலகெங்கிலும் உள்ள பஹாய் சமூகங்கள் முழுவதிலும் உள்ள அனுபவங்களிலிருந்து ஈர்த்து, மனித இயல்பைப் பற்றிய புதிய புரிதலைப் பேணி வளர்க்கும் பஹாய் தார்மீக மற்றும் ஆன்மீக கல்வித் திட்டங்களை திருமதி டுகால் முன்னிலைப்படுத்தினார்: “பெண்களின் முன்னேற்றத்தைத் தடுக்கும் அனைத்து வகையான காரணங்களும் சமூக வழக்கங்களுடன் பிணைக்கப்பட்டுள்ளன. பஹாய் சமூகங்களில் நாம் காணும் கல்விச் செயல்முறை, நாம் யார், மனித இயல்பு என்ன என்பதைப் பற்றிய புரிதலை ஊக்குவிப்பதற்காக நனவுபூர்வமாக முயல்கின்றன.”

இந்த கல்வி செயல்முறைகள் புதிய உறவுமுறைகள் வெளிப்படுவதற்கான வாய்ப்புகளை உருவாக்குகின்றன என திருமதி டுகால் விளக்கினார்.

“உலகெங்கிலும் உள்ள பஹாய் சமூகங்களில், பெண்களும் ஆண்களும் ஒன்றாக அமர்ந்து… தங்கள் சமூகத்தைப் பாதிக்கும் பிரச்சனைகளைப் பற்றி கலந்தாலோசிக்கும்போது, ​​பெண்கள் மற்றும் ஆண்களின் நிரப்புத்தன்மை மற்றும் அகன்ற சமுதாயத்தின் நல்வாழ்வுக்கு இருவரும் எவ்வாறு பங்களிக்கின்றனர் என்பதைப் பற்றிய இயல்பான புரிதல் இருப்பதை நாங்கள் காண்கிறோம்,” என அவர் கூறினார். பொட்காஸ்ட் அத்தியாயம் என்பது “உரையாடலில்” தொடரின் ஒரு பகுதியாகும், இது அடித்தட்டில் இருந்து அனைத்துலக மட்டம் வரை சமூக முன்னேற்றத்திற்குப் பங்களிப்பதற்கான உலகளாவிய பஹாய் முயற்சிகளின் அனுபவங்களை ஆராய்கிறது.

மூலாதாரம்: https://news.bahai.org/story/1785/

“ஆர்வநம்பிக்கை நீங்கள் மகிழ்ச்சி காண உதவிடும்”: உபரி நாட்களின் போது ஒன்றுகூடுவது சமுதாய பதட்டங்களுக்கு மத்தியில் ஒற்றுமையை வளர்க்கிறது

10 மார்ச் 2025

பஹாய் உலக மையம் – சமுதாய சவால்களுக்கு மத்தியில் பகிரப்பட்ட ஆர்வநம்பிக்கையின் தருணங்களைக் கொண்டுவந்த ஓர் இதயப்பூர்வமான சந்தர்ப்பத்தில், பல்வேறு சமுதாய மற்றும் மத சமூகங்களைச் சேர்ந்த சுமார் 75 விருந்தினர்கள் பாஹ்ஜியில் உள்ள பஹாவுல்லாவின் சன்னிதியின் அருகாமையில் ஒன்றுகூடி, விருந்தோம்பல், பரோபகாரம் மற்றும் மகிழ்ச்சிக்கு அர்ப்பணிக்கப்பட்ட அய்யாம்-இ-ஹாவைக் கொண்டாடினர்.

இக்கூட்டத்தில் ‘அக்கா நகர’ மேயர் உட்பட உள்ளூர் அதிகாரிகளும், யூத, முஸ்லீம், கிறிஸ்தவ மற்றும் ட்ரூஸ் சமூகங்களைச் சேர்ந்த வாசிகளும், மத பாரம்பரியத்துடன் அடையாளம் காணாதவர்களும், கல்வியாளர்களுடன், ‘அக்காநகரம், ஹைஃபா மற்றும் பிற நகரங்கள் மற்றும் கிராமங்களைச் சேர்ந்த கல்வியாளர்களும் கலைஞர்களும் ஒன்றிணைந்தனர். இந்த நிகழ்வானது தொடர்புக்கும் பிரதிபலிப்புக்குமான இடத்தை உருவாக்கியது, பங்கேற்பாளர்களுக்கு நிகழ்ந்துகொண்டிருக்கும் சமூக சவால்களிலிருந்து ஓய்வு மற்றும் பரஸ்பர புரிதலைப் பேணி வளர்ப்பதற்கான வாய்ப்பை வழங்குகிறது.

பங்கேற்பாளர்கள் பஹாவுல்லாவின் சன்னிதி மற்றும் அதைச் சுற்றியுள்ள தோட்டங்களைப் பார்வையிடும் வாய்ப்பைப் பெற்றனர், இது அவர்களுக்கு தற்போதைய சமூக சவால்களில் இருந்து ஓய்வு மற்றும் பரஸ்பர புரிதலை வளர்ப்பதற்கான வாய்ப்பை வழங்கியது.

பஹாய் அனைத்துலக சமூகத்தின் பொதுச்செயலாளர் டேவிட் ரட்ஸ்டீன், அய்யாம்-இ-ஹாவின் முக்கியத்துவத்தை விளக்கி கூட்டத்தைத் திறந்து வைத்தார். “பஹாய் நாட்காட்டியில் 19 மாதங்கள் தலா 19 நாட்களைக் கொண்டுள்ளன. சூரிய நாட்காட்டிக்கு இணங்க 4 அல்லது 5 கூடுதல் நாட்கள் சேர்க்கப்படுகின்றன. இதை நாங்கள் அய்யம்-இ-ஹா அல்லது உபரி நாட்கள் என அழைக்கிறோம்,” என அவர் கூறினார்.

டாக்டர். ரட்ஸ்டீன் மேலும் கூறியதாவது: “பஹாய்கள் பெருந்தன்மை மற்றும் விருந்தோம்பல், தொண்டு மற்றும் இரக்கம், மகிழ்ச்சி, ஒற்றுமை மற்றும் அன்பு ஆகியவற்றை வலியுறுத்தும் காலகட்டம் இது. நாங்கள் அதை பகிர்ந்து கொள்ள விரும்பும் நபர்கள் நீங்கள்.

பங்கேற்பாளர்கள் பஹாவுல்லாவின் சன்னிதி மற்றும் அதைச் சுற்றியுள்ள தோட்டங்களைப் பார்வையிட்டனர், அதைத் தொடர்ந்து ஒரு முறையான நிகழ்ச்சி நடைபெற்றது, அதில் அங்கு கூடியிருந்தோரின் மதங்களிலிருந்து வாசகங்களும் பல மொழிகளில் வாசிப்பு மற்றும் இசை அளிப்புகளும் அடங்கும்.

டாக்டர். ரட்ஸ்டீன் குறிப்பிட்டதாவது: ” பல்வேறு வண்ணங்களில் பஹாய் பூங்காக்கள், வெவ்வேறு வடிவங்கள், வெவ்வேறு நறுமணங்கள் கொண்ட பூக்களால் நிரம்பியுள்ளன—நாமும் அந்த மலர்களைப் போலவே இருக்கிறோம்.”

அக்காநகர மேயர் (நடுவரிசை, இடது, மையம்) உட்பட உள்ளூர் அதிகாரிகள் மற்றும் யூத, முஸ்லீம், கிறிஸ்தவ மற்றும் ட்ரூஸ் சமூகங்களில் வசிப்பவர்கள், அத்துடன் மத பாரம்பரியத்துடன் அடையாளம் காணாதவர்கள், கல்வியாளர்கள், கலைஞர்கள் மற்றும் பஹாய் உலக மையத்தின் நண்பர்களுடன் இந்த கூட்டத்தில் கலந்து கொண்டனர். பஹாய் அனைத்துலக சமூகத்தின் பொதுச்செயலாளர் டேவிட் ருட்ஸ்டீன் (மேல் வரிசை, இடதுபுறம்), அய்யாம்-இ-ஹாவின் முக்கியத்துவத்தை விளக்கி கூட்டத்தைத் தொடங்கினார்.

இந்த ஆண்டு நிகழ்வு 2023-இன் பிற்பகுதியில் தொடங்கிய தொடர்ச்சியான பிரார்த்தனைக் கூட்டங்களுடன் நெருக்கமாக இணைக்கப்பட்டுள்ளது, இது குறிப்பாக சவாலான காலங்களில் அக்காநகர் பகுதியில் உள்ள பலதரப்பட்ட மக்களிடையே நட்பு மற்றும் ஆன்மீக கூட்டுறவு ஆகியவற்றைப் பேணியது.

செய்தி சேவையுடனான உரையாடலில், உள்ளூர் ஊடக பயிற்சியாளரான ஓஃபர் அமர், கூட்டத்தின் தன்மைமாற்றும் விளைவைக் குறிப்பிட்டார்: “தற்போதைய சூழ்நிலையின் காரணமாக நான் இந்த நிகழ்வுக்கு மிகவும் வருத்தத்துடனேயே வந்தேன்.”

நாட்டில் சவாலான அனுபவத்தின் மூலம் அவர் கண்டறிந்த ஆர்வநம்பிக்கைக்கும் மகிழ்ச்சிக்கும் இடையிலான ஆழமான உறவை திரு. அமர் பிரதிபலித்தார். “மகிழ்ச்சி இருந்தால், நம்பிக்கையும் இருக்கிறது; ஆர்வநம்பிக்கை நீங்கள் மகிழ்ச்சியைக் காண உதவுகிறது,” என அவர் கூறினார், இந்த குணங்கள் எவ்வாறு ஒன்று மற்றொன்றிற்கு ஊட்டமளித்து பலப்படுத்துகின்றது என்பதை விளக்கினார்.

சோகநிகழ்வுகள் நடைபெற்ற போதிலும், பலதரப்பட்ட மக்கள் இணக்கத்துடன் ஒன்றிணைவது அவரது ஆவியை புதுப்பித்துள்ளது என அவர் மேலும் கூறினார்: “நான் இந்த நிகழ்விலிருந்து என் முகத்தில் புன்னகை, ஆர்வநம்பிக்கை மற்றும் மகிழ்ச்சியுடன் இந்த நிகழ்ச்சியிலிருந்து செல்கிறேன்.”

மத்திய கிழக்கின் கலாச்சார வரலாற்றாசிரியரான கெர்ஷோன் லெவென்டல், இத்தகைய கூட்டங்களின் முக்கியத்துவத்தைப் பிரதிபலித்தார்: “இங்கே இரண்டு வருடங்கள் மிகவும் கடினமாக இருந்தது, அது பெரும்பாலும் நம்பிக்கையின்மையாக இருந்தது. ஆதலால், மனிதகுலத்தின் முன்னேற்றம் மற்றும் மேம்பாடு மற்றும் உலகின் முன்னேற்றம் குறித்து நேர்மறையான எண்ணங்களைக் கொண்டவர்களுடன் இதுபோன்ற இடத்தில் இருப்பது மிகவும் மகிழ்ச்சி அளிக்கிறது.

ஹைஃபாவில் உள்ள நிர்வாக நீதிபதியான ஸாய்ட் ஃபலாஹ், பஹாய் கொள்கைகளை இந்தக் கூட்டம் எவ்வாறு உள்ளடக்கியுள்ளது என்பதை வெளிப்படுத்தினார்: “இது ஒரு மிக முக்கியமான வாய்ப்பு… மனித ஒற்றுமைக்கும் பஹாய்கள் ஊக்குவிக்கும் அன்பிற்கும்.”

டாக்டர். ஃபலாஹ் தொடர்ந்தார், அவ்வொன்றுகூடலுக்கும் நம்பிக்கையான எதிர்காலத்திற்கும் இடையே ஒரு தொடர்பைக் குறிப்பிட்டார்: “மக்கள்தொகையின் இந்த மொசாயிக் பிரதிபலிக்கிறது… மேலும் சிறந்த இடங்களுக்கு முன்னேறுவதற்கான நமது விருப்பத்தைப் பிரதிபலிக்கிறது.”

பங்கேற்பாளர்கள் முறையான நிகழ்ச்சிக்காக பாஹ்ஜி பார்வையாளர் மையத்தில் ஒன்றுகூடினர்.

கூட்டம் ஆர்வநம்பிக்கையையும் புதுப்பித்தலையும் வழங்கியது. கலை மற்றும் தொழில்நுட்பத்திற்கான அக்கோ மையத்தின் (A-CAT) தலைமை நிர்வாக அதிகாரி நைம் ஒபெய்ட் பிரதிபலித்ததாவது: “வெளியில் என்ன நடக்கிறது என்பதைப் பார்த்து, இந்த இடத்திற்குள் நுழையும்போது, ​​நான் சாந்தத்தையும் அமைதியையும் உணர்கிறேன். நான் மக்களின் கண்களைப் பார்க்கும்போது, ​​நிறைய ஆர்வநம்பிக்கை இருப்பதைக் காண்கிறேன்.

திரு. ஒபீட் மேலும் கூறியதாவது: “இதுவே இந்த இடத்தின் அழகு: பன்முகத்தன்மை கொண்ட மக்கள் ஒன்றுபடுவது, மக்களை அமைதிக்காக ஒன்று சேர்ப்பது என்னும் ஒரே இலக்குக்கிற்கு சேவை செய்கிறது.”

பொருளாதாரப் பேராசிரியரும், வெஸ்டர்ன் கலிலி அகாடமி கல்லூரியின் தலைவருமான நிசிம் பென் டேவிட், இந்தக் கூட்டம் எப்படி ஓர் ஆழமான மனித ஏக்கத்தை நிறைவேற்றியது என்பதை அவதானித்தார்: “மக்கள் ஆர்வநம்பிக்கையையும் மகிழ்ச்சியையும் தேடுகின்றனர், பல நடவடிக்கைகளில் அதைக் கண்டுபிடிக்க முயல்கின்றனர். மனம் அதைக் கண்டுபிடிக்க ஒவ்வொரு நாளும் தேடுகிறது… மகிழ்ச்சியையும் ஆர்வநம்பிக்கையையும் பெறுவதற்கும், ஒருவர் மற்றவர்பால் அக்கறைகொள்வதற்கும், மக்கள் ஒன்று கூடும் சந்தர்ப்பம் விசேஷமும் தனித்தன்மை உடையதும் ஆகும்.

முறையான நிகழ்ச்சிநிரல், பிரதிநிதிக்கப்பட்ட மதங்களின் போதனைகளிலிருந்து பல மொழிகளில் வாசிப்புகளையும், இசை அளிக்கைகளையும் உள்ளடக்கியிருந்தது.

கூட்டத்தின் ஆன்மீகச் சூழல் பங்கேற்பாளர்களுக்கு குறிப்பாக அர்த்தமுள்ளதாக இருந்தது. உள்ளூர்வாசியான டூலி க்ரூடர் யானாய் கூறியதாவது: “ஒவ்வொரு முறையும் நான் இங்கு வரும்போது, ​​அமைதி, மகிழ்ச்சி மற்றும் அன்பை உணர்வது எப்படி இருக்கிறது என்பதை நினைவில் கொள்ள முடிகிறது. இந்த உலகில் மறப்பது மிகவும் எளிது, அது இல்லாததால் அல்ல, மாறாக நம்மை மறக்கச் செய்யும் பல விஷயங்கள் இருப்பதால்.

“எனவே நினைவில் கொள்வது அழகான ஒன்றாகும், அதை ஒன்றாக நினைவில் வைத்துக் கொள்வதும், இதை ஒருவருக்கொருவர் நினைவூட்டுவதும் மிகவும் அழகாக இருக்கிறது.”

திருமதி. நிஹாத் ஷெஹெரத், அந்தக் கூட்டமானது அன்பின் சாரத்தை எவ்வாறு உள்ளடக்கியுள்ளது என்பதை வெளிப்படுத்தினார்: “என்னைப் பொறுத்தவரை, மகிழ்ச்சி மற்றும் அன்பு என்பது எல்லா மக்களையும்—அனைவரும் ஒருவரையொருவர் நேசிப்பதையும்—கடவுள் படைத்த அனைத்தையும் நேசிப்பதையும் குறிக்கிறது. உங்களைச் சுற்றியுள்ளவர்களுக்கு உங்கள் இதயத்திலிருந்து கொடுப்பதே அன்பு. தியாகம் என்பது அன்பு, இரக்கமே அன்பு.”

இந்த பிரார்த்தனைக் கூட்டங்கள் வரும் மாதங்களில் பாஹ்ஜியில் உள்ள பஹாவுல்லா சன்னிதியின் அருகாமையிலும், ஹைஃபாவில் உள்ள பாப் பெருமானார் சன்னிதிக்கு அருகிலும் தொடர்ந்து நடைபெறும்.

ஆன்லைனில் கதையைப் படிக்க அல்லது கூடுதல் படங்களைப் பார்க்க, news.bahai.org ஐப் பார்வையிடவும்.

மூலாதாரம்: https://news.bahai.org/story/1784/

BIC நியூ யார்க்: அமைதியான சமுதாயங்களை உருவாக்குவதற்கு பெண் ஆண் சமத்துவம் இன்றியமையாதது.

7 மார்ச் 2025

BIC நியூ யார்க் – பெண்கள் மற்றும் ஆண்களின் சமத்துவம் என்னும் ஆன்மீகக் கோட்பாட்டில் வேரூன்றிய பெண்களின் மேம்பாடு, வெறும் அபிலாஷை மட்டுமல்ல, அது அமைதிக்கான அவசிய நிபந்தனையும் ஆகும் என பஹாய் அனைத்துலக சமூகம், பெண்களின் நிலை குறித்த ஐக்கிய நாடுகளின் ஆணையத்தின் 69-வது அமர்வுக்கு வெளியிட்ட அறிக்கையில் கூறுகிறது.

“முழு கூட்டாண்மையில்: அமைதியான சமுதாயங்களுக்கு முன்நிபந்தனையாக பெண்களின் முன்னேற்றம்” என்னும் தலைப்பில் அறிக்கை, சமத்துவமின்மையின் ஆன்மீக மற்றும் கலாச்சார வேர்களை நிவர்த்தி செய்ய கொள்கை சீர்திருத்தங்களுக்கு அப்பாற்பட்ட ஒரு மாற்றம் உண்மையான சமத்துவத்திற்குத் தேவை என்பதை வலியுறுத்துகிறது. அனைத்துலக சமூகம் பெய்ஜிங்கில் நான்காவது உலக மகளிர் மாநாடு தொடங்கி 30 ஆண்டுகள் நிறைவடைந்துள்ள நிலையில் இது வந்துள்ளது.

நியூயார்க் அலுவலகத்தின் BIC பிரதிநிதியான லிலியன் ன்குன்ஸிமனா குறிப்பிட்டார்: “பெய்ஜிங்கில் வெளிப்படுத்தப்பட்ட 12 முக்கிய அக்கறைகள் பெண்கள் மற்றும் ஆண்களின் சமத்துவத்தில் ஒரு முக்கியமான பரிணாம வளர்ச்சியாகும். எவ்வாறாயினும், இந்த முன்னேற்றங்களில் பல கொள்கை பின்வாங்கல்களாலும் பிற சக்திகளாலும், அடித்தட்டிலிருந்து சர்வதேச நிலை வரை தேய்வு கண்டன. இது ஒரு கவலயளிக்கும் பின்னடைவாகும். தன்மைமாற்றத்திற்கான நீடித்த அணுகுமுறைகளை அடையாளம் காண இது நம்மைத் தூண்ட வேண்டும்.”

இந்த அறிக்கை பெண்கள் மற்றும் ஆண்களின் சமத்துவத்திற்கும் அமைதிக்கும் இடையிலான தொடர்பை எடுத்துக்காட்டுகிறது. இது அதிக அளவிலான சமத்துவம் நிறைந்த சமூகங்கள் குறைந்த அளவிலான வன்முறை மோதலைக் காண்பதுடன், பெண்கள் சம்பந்தப்பட்ட சமாதான செயல்முறைகள் நீண்ட காலம் நீடிக்கின்றன என்பதையும் வலியுறுத்துகிறது. எவ்வாறாயினும், உண்மையான நீடித்த மாற்றமானது ஸ்தாபனச் சீர்திருத்தங்களுக்கு அப்பால் சென்று தனிப்பட்ட மனநிலைகள் மற்றும் சமூக விதிமுறைகளுக்குள் தன்மைமாற்றத்தை உள்ளடக்கியதாக இருக்க வேண்டும் என்பதை வலியுறுத்துகிறது.

“தன்மைமாற்றமானது மனப்பான்மைகளுக்குள் வேரூன்றி, கலாச்சாரத்தில் வெளிப்பாட்டைக் காணும் வரை, சமூகங்களின் அமைப்புமுறைகள் மற்றும் கட்டமைப்புகளில் பொதிந்துள்ள தப்பெண்ணம் மற்றும் பாகுபாட்டிற்கான அடிப்படைக் காரணங்கள் கேள்விக்கு உட்படாமலேயே இருந்திடுவதுடன், அநீதியை நிலைநிறுத்திக் கொண்டே இருக்கும்” என அந்த அறிக்கை கூறுகிறது.

அத்தகைய மாற்றம் அடித்தட்டு மட்டத்தில் எவ்வாறு வெளிப்படும் என்பதை விளக்குவதற்கு, பஹாய் கல்வித் திட்டங்கள், பாலின வேறுபாடின்றி, இயல்பிலேயே உன்னதமானவர்கள் என்னும் கோட்பாட்டைப் பேணி வளர்த்த பஹாய் கல்வித் திட்டங்களைக் கொண்ட, இந்தியாவின் பீகாரில் இருந்து அறிக்கை அனுபவங்களைப் பகிர்ந்து கொள்கிறது. உள்ளூர் சமூக உறுப்பினர்கள், இதையும் நீதி மற்றும் மனிதநேயத்தின் ஒருமைப்பாடு போன்ற பிற பஹாய் கொள்கைகளையும் ஆராய்ந்தபோது, ​​சமத்துவத்திற்கும் மற்றும் கல்வி மற்றும் முடிவெடுப்பதில் பெண்களின் வாய்ப்புகளை மட்டுப்படுத்திய வேரூன்றிய சமூக நடைமுறைகளுக்கும் இடையிலான முரண்பாடுகளை அவர்கள் அடையாளம் காணத் தொடங்கினர்.

இதற்கு பதிலிறுக்கும் விதமாக, சமூகம் கலந்தாலோசனைக்கான இடங்களை உருவாக்கியது, அங்கு குடும்பங்கள் இந்த பிரச்சினைகளை வெளிப்படையாக விவாதிக்கின்றன. ஆன்மீகக் கொள்கைகளால் வழிநடத்தப்படும் நேர்மையான உரையாடல்களின் மூலம், பெண்களின் முன்னேற்றத்திற்கு நீண்டகாலமான மனப்பான்மை எவ்வாறு தடையாக இருக்கின்றது என்பதை பங்கேற்பாளர்கள் ஆராய்ந்தனர் — மகளின் முதன்மையான பங்கு திருமணம், மாதவிடாய் காலத்தில் பெண்களை “அசுத்தமாக” கருதுவது அல்லது பெண்கள் பள்ளிக்கு நீண்ட தூரம் செல்வது பாதுகாப்பற்றது என கருதுவது போன்றவை.

பீகாரில் நடந்த விவாதங்கள், அன்றாட வாழ்வில் இத்தகைய கருத்துக்கள் எவ்வாறு வெளிப்படுகின்றன என்பதை வெளிச்சம் போட்டுக் காட்டுகின்றன: (ஆண்)சிறுவர்கள் பெரும்பாலும் பள்ளிக் கல்விக்கு முன்னுரிமை அளிக்கப்பட்டனர், கல்வியை விட வரதட்சணைக்கு நிதி ஆதாரங்கள் ஒதுக்கப்பட்டன, பெண்கள் தலைமைப் பொறுப்புகள் மற்றும் முடிவெடுக்கும் இடங்களிலிருந்து விலக்கப்பட்டனர்.

பீகாரில் சமுதாய மற்றும் ஆன்மீக கண்டுணர்தல் செயல்முறை ஆணித்தரமான நடவடிக்கைகளுக்கு வழிவகுத்தது. பாலின வேறுபாடின்றி ஒவ்வொரு குழந்தையின் தார்மீக மற்றும் அறிவுசார் வளர்ச்சியை வலியுறுத்தி புதிய கல்வி வாய்ப்புகளை உருவாக்குவதன் மூலம் அடையாளம் காணப்பட்ட தடைகளை அகற்ற அண்டையர்களும் நண்பர்களும் கூட்டாக வேலை செய்யத் தொடங்கினர்.

வாழ்க்கையின் பல்வேறு துறைகளில் ஆன்மீகக் கொள்கைகளைப் பயன்படுத்துவதானது நம்பிக்கை மற்றும் நடைமுறை இரண்டிலும் சமத்துவத்தின் உண்மையை அதிகரிக்கும் முறையில் பிரதிபலிக்கும் ஒரு புதிய கலாச்சாரத்தின் பரிணாமத்திற்கு வழிவகுக்கும் என்பதை அந்த சமூகத்தில் உள்ள பலர் அவதானித்துள்ளனர். இந்த முயற்சிகள் ஆண்களுக்கும் பெண்களுக்கும் இடையே அதிக பரஸ்பர மரியாதை மற்றும் நம்பிக்கையை வளர்த்து, இல்லங்கள் முதல் பரந்த சமூகம் வரை நீட்டிக்கப்பட்டுள்ளது, இது நிலையான சமுதாய மாற்றம் எவ்வாறு வேரூன்றலாம் என்பதற்கான காட்சிகளை வழங்குகிறது. பெண்கள் மற்றும் ஆண்களின் சமத்துவம் பற்றிய சொல்லாடலுக்குப்- பங்களிப்பதற்கான அதன் தொடர்ச்சியான முயற்சிகளின் ஒரு பகுதியாக, நியூயார்க்கில் உள்ள ஐநா தலைமையகத்தில் அடுத்த வாரம் தொடங்கும் பெண்களின் நிலை குறித்த ஆணையத்தின் 69-வது அமர்வில் BIC பங்கேற்கும். BIC-யின் அறிக்கையை இங்கே காணலாம்.

மூலாதாரம்: https://news.bahai.org/story/1783/

சிலி: புதிய வெளியீடு சமுதாய தன்மைமாற்றத்திற்கான பாதைகளை ஆராய்கிறது

24 பிப்ரவரி 2025

சாண்டியாகோ, சிலி — சமுதாயங்கள் எவ்வாறு மாற்றத்திற்கான மேலோட்டமான அணுகுமுறைகளுக்கு அப்பால் சென்றும், ஆழமான சமுதாய தன்மைமாற்றத்தைப் பேணி வளர்க்கத் தொடங்கலாம்? இந்தக் கேள்வி சிலி நாட்டில் உள்ள பல்வேறு சமூக நடவடிக்கையாளர்களிடையே நீண்டகால உரையாடல் தொடர்களின் மையமாக உள்ளது. இது சமுதாய தன்மைமாற்றம்: ஒன்றாகப் புதிய தொலைநோக்கை உருவாக்குதல் என்னும் தலைப்பில் அந்நாட்டின் பஹாய் வெளிவிவகார அலுவலகத்தின் ஒரு புதிய பிரசுரமாக வந்துள்ளது.

பஹாய் கோட்பாடுகள் மற்றும் சமுதாய மேம்பாட்டிற்கான அணுகுமுறைகள் ஆகியவற்றின் கண்ணாடி மூலம், வெளிவிவகார அலுவலகத்தால் நடத்தப்பட்டு, கல்வியாளர்கள், சிவில் சமூக அமைப்புகள், அரசாங்கப் பிரதிநிதிகள் மற்றும் சமூகத் தலைவர்கள் ஆகியோரை ஒருங்கிணைத்து பல ஆண்டுகளாக இந்த விவாதங்களில் இருந்து வெளிப்பட்ட யோசனைகளை இந்த வெளியீடு ஒருங்கிணைக்கிறது.

சாண்டியாகோவில் உள்ள பஹாய் வழிபாட்டு இல்லத்தில் பிரசுரத்தின் வெளியீட்டு விழாவில் பேசிய வெளியுறவு அலுவலகத்தின் இயக்குனர் அலன் அரவேனா, தொடர் விவாதங்களில் இருந்து முக்கிய நுண்ணறிவுகளில் ஒன்றை எடுத்துக்காட்டினார்: “அர்த்தமுள்ள சமுதாய தன்மைமாற்றத்தை அடைவதற்கு சமுதாய கட்டமைப்பை மறுகட்டமைப்பது அவசியம் என்பதை பங்கேற்பாளர்கள் உணர்ந்துள்ளனர்.”

நாடு முழுவதும் உள்ள பஹாய் சமூக நிர்மாணிப்பு முயற்சிகளில் இருந்து இந்த விவாதங்கள் உத்வேகம் பெற்றன, தனிநபர்கள், சமூகங்கள் மற்றும் ஸ்தாபனங்களுக்கு இடையிலான உறவுகள் பெண்கள் மற்றும் ஆண்களின் சமத்துவம், நீதி மற்றும் சர்வலோக பங்கேற்பு போன்ற கோட்பாடுகளை அடிப்படையாகக் கொண்டால் என்ன சாத்தியமாகும் என்பதற்கான முன்னோக்குகளை வழங்கியுள்ளன.

“இந்த முயற்சிகள் மூலம், இளைஞர்களும், முதியோரும், பெண்கள் மற்றும் ஆண்கள் மற்றும் அனைத்துப் பின்னணியில் உள்ளவர்களின் முன்னோக்குகள் மதிக்கப்படும் இடத்தில், உள்ளூர் சமூகங்கள் நம்பிக்கையை உருவாக்கவும், விளைவுத்திறத்துடன் தொடர்பு கொள்ளவும், பிரச்சினைகளை கூட்டாகத் தீர்க்கவும் கற்றுக்கொள்கின்றன” என திரு. அரவேனா விளக்கினார்.

வெளியீட்டின் மையக் கவனம் மனித அடையாளம் மற்றும் சமுதாய தன்மைமாற்றத்தில் அதன் பங்கு பற்றிய ஆய்வு ஆகும். நிலவும் லௌகீகவாத கட்டமைப்புகள் மனித இயல்பின் ஒரு குறுகிய கருத்தாக்கத்திற்கு எவ்வாறு வழிவகுத்துள்ளன என்பதை உரை ஆராய்கிறது. இது போட்டி மற்றும் சுயநலத்தால் உந்தப்பட்ட வெறும் பொருளாதார நடவடிக்கையாளர்களாக மனிதர்களைத் தரம் குறைக்கிறது.

“அடையாளத்தைக் கட்டமைப்பது கருத்தியல் கட்டமைப்புகள் மற்றும் கலாச்சாரம் இரண்டையும் வடிவமைப்பதில் ஓர் அடிப்படை பங்கை வகிக்கிறது,” என அமெரிக்காவின் ஆலோசகர்கள் வாரியத்தின் உறுப்பினரும் கலந்துரையாடல் மன்றங்களில் பங்கேற்பாளருமான டேனியல் டுஹார்ட் விளக்கினார். “நாம் யார் என்பதைப் பற்றிய நமது புரிதலை முற்றிலும் பௌதீகம் சார்ந்த கருத்துக்களுக்கு மட்டுப் படுத்தப்படும்போது, ​​உலகில் நாம் காணும் அநீதிகள் மற்றும் துன்பங்களை போதுமான அளவு எதிர்கொள்ள முடியாத அமைப்புகளை நாம் அறியாமலேயே நிலைநிறுத்துகிறோம்.”

மனித அடையாளத்தின் இந்தக் குறைபாடான கருத்து பல்வேறு சமூக கட்டமைப்புகளில் வெளிப்படுகிறது, முதன்மையாக லௌகீகவாத சாதனையில் கவனம் செலுத்தும் கல்வி முறைகள் மனித அனுபவத்தை மேலோட்டமான அளவீடுகளுக்கு குறைக்கிறது. உண்மையான சமுதாய தன்மைமாற்றத்திற்கு அதன் ஆன்மீக பரிமாணத்தை உள்ளடக்கிய மனித இயல்பு பற்றிய நமது புரிதலை விரிவுபடுத்த வேண்டும் என அது வாதிடுகிறது.

Fundación Libera (ஃபன்டாஷியோன் லிபேரா) என்னும் தன்னார்வத் தொண்டு நிறுவனத்தின் தலைவரான கரோலினா ருட்னிக், மனித இயல்பின் விரிவாக்கப்பட்டத் தொலைநோக்கைப் பிரதிபலித்தார்: “என்னைப் பொறுத்தவரை, சமுதாய ஒத்திசைவு என்பது சமூக நிர்மாணிப்பின் மூலம் ஒரு சமுதாயம் என்னும் துணியை நெசவு செய்வதாகும். இது தனிப்பட்ட வளர்ச்சியை உள்ளடக்கியது… அதே நேரத்தில் மற்றவர்களுடனும் நமது சுற்றுச்சூழலுடனும் தொடர்புகொள்வதைத் தவிர நாம் வளர்ச்சி பெற முடியாது.

“நாம் மிகவும் நியாயமான சமுதாயத்தை உருவாக்க விரும்பியும், ஆனால் ஒற்றுமைக்கு முரணான வழிமுறைகளைப் பயன்படுத்தினால், அது அந்தச் செயல்முறைக்கே ஒரு தடையாக மாறிடும்,” டாக்டர் டுஹார்ட் தொடர்ந்தார். ” உயர்ந்த இலட்சியங்கள் யதார்த்தமாக மாறுவதில்லை என்பதால் இது ஒருவித ஸ்தம்பிதத்தை உருவாக்குகிறது, இது இறுதியில் சமூக விரக்தியையும் அக்கறையின்மையையும் உருவாக்குகிறது.”

அதிகாரம், கல்வி மற்றும் மனித இயல்பு போன்ற சில அடிப்படைக் கருத்துக்களை மறுபரிசீலனை செய்வது எப்படி சமுதாய முன்னேற்றத்திற்கான புதிய சாத்தியங்களைத் திறந்துவிடும் என்பதை வெளியீடு ஆராய்கிறது. சிலி நாட்டின் பஹாய் தேசிய ஆன்மிகச் சபையின் உறுப்பினரான ஃபெலிப் டுஹார்ட் கூறுவது: “நமது கவனத்தின் பெரும்பகுதி ஆதிக்கம் செலுத்துதல் என்னும் முறையில் அதிகாரத்தின்பால் திரும்புகின்றது.”

“ஆனால் அதிகாரத்தின் மற்ற பரிமாணங்கள் யதார்த்தமானவை, இன்னும் சக்திவாய்ந்தவையுமாக இருக்கலாம்: உண்மையின் சக்தி, அறிவின் சக்தி, ஒற்றுமையின் சக்தி, தன்னலமற்ற செயல்களின் சக்தி மற்றும் நீதியின் சக்தி,” என அவர் கூறினார். இந்த வெளியீடு சிலி நாட்டில் சமுதாய தன்மைமாற்றம் பற்றிய பரவலான சொல்லாடல்களுக்குப் பங்களிப்பதற்கான அலுவலகத்தின் பரந்த முயற்சியின் ஒரு பகுதியை பிரதிபலிக்கிறது. கருத்துக்களங்களின் தொடர் வரும் ஆண்டில் தொடரும் மற்றும் எதிர்கால வெளியீடுகள் காலப்போக்கில் சிந்தனை எவ்வாறு பரிணமிக்கிறது என்பதைக் கையகப்படுத்த திட்டமிடப் பட்டுள்ளது.

மூலாதாரம்: https://news.bahai.org/story/1782/

மெக்சிகோ: சேவையின் மூலம் அண்டைப்புறங்களில் வன்முறையை எதிர்த்தல்

மெக்சிகோ சிட்டி — மெக்சிகோவின் பஹாய் வெளிவிவகார அலுவலகம், மனிதர்களின் ஆன்மீகத் தன்மையைக் கண்டுணர்வது எவ்வாறு வன்முறையின் மூலகாரணங்களைப் தீர்ப்பதற்கும், சமூக ஒற்றுமையை வலுப்படுத்தவும் உதவும் என்பதை ஆராய்வதற்காக, அரசாங்கம், கல்வியாளர்கள், மத சமூகங்கள் மற்றும் பொது சமூகத்தின் பல்வேறு குரல்களைக் கொண்ட தொடர்ச்சியான கலந்துரையாடல் மன்றங்களுக்கு பங்களித்து வருகின்றது.

லா சாலே பல்கலைக்கழகத்தின் இறையியல் துறையின் தலைவரும், வெளிவிவகார அலுவலகம் ஏற்பாடு செய்த கலந்துரையாடல் மன்றத்தில் பங்கேற்றவருமான கார்லோஸ் செபல்லோஸ் கூறுகையில், “வன்முறையின் சுழற்சியில் ஈடுபடாத ஒருவர் மற்றவருடன் தொடர்புகொள்வதற்கான பல்வேறு வழிகளை நாம் கண்டுபிடிக்க வேண்டும்.

சமூக நல்லிணக்கத்திற்கான பாதைகளை ஆராய்வதற்காக மெக்ஸிகோவின் பஹாய் வெளிவிவகார அலுவலகம் நடத்திய வட்டமேசை கலந்துரையாடலில் அரசாங்கம், மத சமூகங்கள், ஊடகங்கள், சிவில் சமூகம் மற்றும் கல்வியாளர்களின் பிரதிநிதிகள்.

கடந்த இரண்டு ஆண்டுகளில், இந்த மன்றங்கள் சமூக செயல்பாட்டாளர்களுக்கு ஆன்மீகக் கொள்கைகளை—பெண்கள் மற்றும் ஆண்களின் சமத்துவம், நீதி மற்றும் மனிதகுல ஒற்றுமை—அண்டைப்புற மட்டத்தில் பயன்படுத்துவது எவ்வாறு மோதலை நிலைநிறுத்துவதற்குப் பதிலாக ஆக்கபூர்வமான தொடர்பு முறை சூழல்களை உருவாக்க முடியும் என்பதை ஆராய்வதற்கான வாய்ப்புகளை உருவாக்கியுள்ளது.

இந்தக் கலந்துரையாடல்கள் பஹாய் தார்மீக மற்றும் ஆன்மீகக் கல்வித் திட்டங்களில் இருந்து வெளிப்படும் நுண்ணறிவுகளால் செழுமைப்படுத்தப்படுகின்றன, இதன்மூலம் மெக்சிகோ முழுவதும் உள்ள இளைஞர்கள் தங்கள் குடும்பங்களுக்கும் அண்டை வீட்டாருக்கும் சேவை செய்வதன் மூலம் சமூக தன்மைமாற்றத்திற்குப் பங்களிப்பதற்கான தங்கள் திறனாற்றலைக் கண்டறிந்துள்ளனர்.

“அடித்தட்டு அளவில் நாம் பார்ப்பது என்னவென்றால், இளைஞர்கள் தங்களுடைய ஆன்மீக இயல்பையும் மற்றவர்களுக்கு சேவை செய்யும் திறனையும் அடையாளம் கண்டுகொள்ளும் போது, ​​அவர்கள் தங்கள் சமூகத்தில் நேர்மறையான மாற்றத்திற்கான முன்னணியாளர்களாக மாறுகிறார்கள்” என வெளிவிவகார அலுவலகத்தின் ஆஸ்கார் கோவரூபியாஸ் விளக்குகிறார்.

இளைஞர்களிடையே வளர்க்கப்படும் சேவை மனப்பான்மையும், அண்டைப்புறங்களை மாற்றும் அதன் சக்தியும் வன்முறையைத் தடுப்பதில் புதிய முன்னோக்குகளைத் தேடும் சமூக நடவடிக்கையாளர்களின் கவனத்தை ஈர்த்துள்ளது.

2023-ஆம் ஆண்டு முதல், இந்தக் கலந்துரையாடல்கள் அரசாங்க அதிகாரிகள் மற்றும் பிற சமூக நடவடிக்கையாளர்களின் அதிகரிக்கும் ஒரு பரந்த வட்டத்தை உள்ளடக்கியதாக வளர்ந்துள்ளன.

ஆன்மீக மேம்பாட்டை சமூகத்திற்கான சேவையுடன் இணைக்கும் பஹாய் தார்மீக கல்வித் திட்டங்களில் பங்கேற்பதன் மூலம் இளைஞர்கள் எவ்வாறு அர்த்தமுள்ள உறவுகள் மற்றும் ஆக்கபூர்வமான உரையாடல்களுக்கான தங்கள் திறனாற்றலை வளர்த்துக் கொள்கின்றனர் என்பது இந்த விவாதங்களின் ஒரு முக்கிய அம்சமாகும்.

அவர்களின் இடங்களின் முன்னேற்றத்திற்காக ஆலோசனை மற்றும் கூட்டு நடவடிக்கை எடுக்க, மனிதகுல ஒற்றுமை மற்றும் பெண்கள் மற்றும் ஆண்களின் சமத்துவம் போன்ற ஆன்மீகக் கொள்கைகளால் வழிநடத்தப்படும், மெக்சிகோ முழுவதும் பஹாய் சமூக நிர்மாணிப்பு முயற்சிகள், அண்டையர்களள் ஒன்று கூடும் இடங்களை வளர்க்கிறது.

நல்வாழ்வு மற்றும் சமூக ஒற்றுமைக்கான பொது இயக்குநரகத்தில் சமூகவியலாளரும் பட்டறை வழிநடத்துநருமான ஏஞ்சலோ பான்யொஸ் குறிப்பாக ஆக்கபூர்வமான தொடர்பு மற்றும் தகவல்தொடர்புக்காக இந்தத் திறனாற்றல்களை வளர்ப்பதன் முக்கியத்துவத்தை எடுத்துரைத்தார். “நமது காணும் திறன், நமது குரல் மற்றும் நமது வார்த்தைகள் நம்மிடமிருந்து பறிக்கப்பட்டுள்ளன. தொடர்பு இல்லாத போது, ​​விளக்கவுரை உண்டாகின்றது, மற்றும் தவறான விளக்கம் வன்முறையை உருவாக்குகின்றது. அதனால்தான் நமது குழந்தைகள் மற்றும் நண்பர்களுடன் தொடர்பைப் பேணுவது மிகவும் முக்கியம், ”என அவர் கூறினார்.

வெளிவிவகார அலுவலகத்தின் மற்றொரு உறுப்பினரான ஆர்டுரோ செரானோ, குடும்ப உறுப்பினர்கள் மற்றும் அண்டை வீட்டாருக்கு இடையிலான இந்த தொடர்புகள் எவ்வாறு மனிதகுலத்திற்கு சேவை செய்யும் மனப்பான்மை ஓர் அண்டைப்புறத்தில் வளர்கிறது என்பதை அவதானித்தார்.

“இளைஞர்கள் மற்றவர்களுக்குச் சேவை செய்யும்போது, ​​அவர்கள் தங்களை வேறுவிதமாகப் பார்க்க ஆரம்பிக்கின்றனர்,” என திரு. செரானோ மேலும் கூறினார். ஒவ்வொரு சேவைச் செயலும், எவ்வளவு சிறியதாக இருந்தாலும், இளைஞர்கள் தங்கள் சொந்த உன்னதத்தையும், சமூகத்திற்குப் பங்களிக்கும் திறனையும் அடையாளம் காண உதவுகிறது என அவர் விளக்கினார். அவர்களின் வளர்ந்து வரும் நோக்க உணர்வு, ஒன்றாகச் சேவை செய்வதன் மூலம் அவர்கள் உருவாக்கும் பிணைப்புகளுடன் இணைந்து, அவர்கள் தினசரி சந்திக்கும் தீங்கு விளைவிக்கும் சக்திகளுக்கு எதிராக ஓர்  இயற்கையான மீள்ச்சித்திறத்தை உருவாக்குகிறது.

டாக்டர் செபாலோஸ் இந்த யோசனையை வலியுறுத்தினார், “நீங்கள் எப்படி நெருப்பை எதிர்த்துப் போராடுகிறீர்கள்? அதில் நுழைந்து அதை அணைக்க முயற்சிப்பது ஒரு வழி; மற்றொன்று அதைத் தூண்டிவிடுவதை அகற்றுவது.”

அவர் மேலும் கூறியதாவது: “அண்டைப்புறங்களில் பணிபுரிதல் மக்களுள் நீண்டகால தன்மைமாற்றத்தை உண்டாக்கி, சமூக உணர்வை உருவாக்குகிறது. நாம் சமூகக் கட்டமைப்பான சமூக உணர்வை வலுப்படுத்த வேண்டும், மேலும் பகிரப்பட்ட தார்மீக மற்றும் ஆன்மீகக் கொள்கைகளின் அடிப்படையில் உள்ளூரில் அதைச் செய்வது மிகவும் எளிதானது.

மெக்சிகோவில் உள்ள பஹாய் தார்மீக மற்றும் ஆன்மீகக் கல்வித் திட்டங்கள் இளைஞர்கள் தங்கள் சமூகங்களுக்குச் சேவை செய்வதன் மூலம் மிகவும் அமைதியான அண்டைப்புறங்களைப் பேணி வளர்க்கும் திறனை வளர்க்கின்றன.

மத விவகாரங்களுக்கான பொது இயக்குநரகத்தின் சகிப்புத்தன்மை மற்றும் மத சுதந்திரத்தின் இயக்குனர் ஜிமெனா எஸ்கிவெல் மேலும் கூறுகையில், “அமைதியை நிர்மாணிப்பது நீண்ட கால முயற்சியாகும். ஒருவர் மற்றவரின் நிலையில் வைத்துக்கொள்ளவும், கேட்கவும், மற்றவர்களின் கண்ணோட்டத்தில் உணரவும் நாம் முயல வேண்டும்.” முன்னோக்கிப் பார்க்கும்போது, ​​பெண்கள் மற்றும் குழந்தைகளுக்கு எதிரான வன்முறை போன்ற குறிப்பிட்ட சமூகப் பிரச்சினைகளைத் தீர்க்கும் வகையில், இந்த உரையாடல்களைத் தொடர வெளியுறவு அலுவலகம் திட்டமிட்டுள்ளது. சமூக சவால்களுக்கான ஆன்மீக தீர்வுகளை அர்த்தமுள்ள ஆய்வுக்கு அனுமதிக்கும் கலந்துரையாடல்களின் நெருக்கமான தன்மையைப் பேணுவதன் மூலம் இந்த உரையாடல்களின் வரம்பை விரிவுபடுத்துவதே இதன் நோக்கமாகும்.

மெக்ஸிகோவின் பெடரல் அரசாங்கத்தால் ஏற்பாடு செய்யப்பட்ட அமைதிக்கான மதங்களுக்கிடையிலான தினத்தில் மெக்சிகோவின் வெளிவிவகாரங்களுக்கான பஹாய் அலுவலகம். கடந்த இரண்டு ஆண்டுகளாக, வன்முறையின் வேர்களைத் தீர்க்கவும், சமூக ஒற்றுமையை வலுப்படுத்தவும் ஆன்மீகக் கோட்பாடுகள் எவ்வாறு உதவும் என்பது குறித்த விவாதங்களுக்கு அலுவலகம் பங்களித்துள்ளது.

மூலாதாரம்: https://news.bahai.org/story/1781/

உரையாடலில்: கஸாக்ஸ்தானில் நிலவும் சொல்லாடல்களுக்கான பங்களிப்புகளை பாட்காஸ்ட் ஆராய்கிறது

3 பிப்ரவரி 2025

பஹாய் உலக மையம் — பஹாய் உலகச் செய்திச் சேவையின் சமீபத்திய போட்காஸ்ட் அத்தியாயத்தில், கஸாக்ஸ்தானின் பஹாய் பொது விவகார அலுவலகத்தின் உறுப்பினர்களான லியாசத் யங்கலியேவா மற்றும் தைமூர் செக்பர்பயேவ் ஆகியோர், நடைமுறையில் உள்ள சில சொல்லாடல்களில் தங்கள் பங்கேற்பின் மூலம் பெற்ற நுண்ணறிவைப் பகிர்ந்து கொண்டனர்—குறிப்பாகப் பல ஆண்டுகளாகத் தங்கள் நாட்டில் சமூக நல்லிணக்கத்துடன் தொடர்புடைய சொல்லாடல்கள்

திருமதி. யங்கலியேவாவும் திரு. செக்பர்பயேவும் சமுதாய தன்மைமாற்றத்தின் ஆன்மீகத் தன்மை குறித்த சமூக செயல்பாட்டாளர்களின் அதிகரித்து வரும் அங்கீகாரத்தை—சமூகத்தின் எதிர்காலம் பற்றிய ஆழமான கேள்விகள் கூட்டாக ஆராயப்பட்ட மன்றங்கள் மூலம் அலுவலகத்தால் பேணி வளர்க்கப்பட்ட அங்கீகாரம்—இந்த நுண்ணறிவு எவ்வாறு வெளிப்படுத்துகிறது என்பதைப் பிரதிபலித்தனர்.

இந்த மன்றங்களில், பங்கேற்பாளர்கள் கலந்தாலோசனை, பெண்கள் மற்றும் ஆண்களின் சமத்துவம் மற்றும் வேற்றுமையில் ஒற்றுமை போன்ற ஆன்மீகக் கோட்பாடுகளின் அடிப்படையில் பிரச்சினைகளை ஆராய கற்றுக்கொள்கின்றனர். இதன் மூலம் அரசாங்க அதிகாரிகள், சிவில் சமூக அமைப்புகளின் உறுப்பினர்கள் மற்றும் மத சமூகங்களின் தலைவர்கள் தங்கள் சமூகத்திற்கான பகிரப்பட்ட அபிலாஷைகளைக் கண்டறிந்து கூட்டுப் புரிந்துணர்வை உருவாக்கக்கூடிய நிலைமைகளை உருவாக்குகின்றனர்.

“என் எண்ணமே உதவியது… நாம் அனைவரும் ஒன்று என்பதை உணர்ந்துகொள்வது — அது நாமும் அவர்களும் என்பதல்ல” என திருமதி யங்கலியேவா விளக்கினார். “இது நமது அரசாங்கம். இது நாம் வாழும் நமது சமூகம், இவை நமது அமைப்புகள். இவர்கள் நமது சக குடிமக்கள். மேலும் நாம் அனைவரும் எவ்வாறு நமது முயற்சிகளில் ஒத்துழைக்கலாம் அல்லது ஒன்றுபடலாம்?”

சமூக நல்லிணக்கம் குறித்த பல்வேறு கலந்துரையாடலுக்கான இடங்கள் பங்கேற்பாளர்களை உறவுகளின் தன்மை பற்றிய ஆழமான கேள்விகளை ஆராய எப்படி உதவியது என்பதை போட்காஸ்ட் ஆராய்கிறது.

திரு. செக்பர்பயேவ், சமூகத்தை மனித உடலுடன் ஒப்பிடும் பஹாய் போதனைகளிலிருந்து ஒரு உருவகத்தை எடுத்துக்காட்டினார். அங்கு பல்வேறு பகுதிகள் முழுமையின் நலனுக்காக ஒன்றாக வேலை செய்ய வேண்டும். இந்த இயற்பியல் ஒப்புமை ஆழமான ஆன்மீக உண்மைகளை எவ்வாறு சுட்டிக்காட்டுகிறது என்பதை அவர் விளக்கினார், “உடலானது யதார்த்தத்தின் பௌதீக அம்சத்திற்குச் சொந்தமானது என்றாலும், அது தத்துவார்த்தமான—மனித உணர்வுகளை—உருவாக்குகிறது.”

சமூகத்தின் பல்வேறு பிரிவுகளுடனான அதன் ஈடுபாட்டின் மூலம், சமூக நல்லிணக்கத்தின் பல்வேறு பரிமாணங்களை அலுவலகம் ஆய்வு செய்துள்ளது. இந்த உரையாடல்கள் ஒருங்கிணைப்பைப் பேணி வளர்ப்பதில் ஊடகங்களின் பங்கு, கலைகளின் தன்மைமாற்றும் சக்தி மற்றும் பெண்கள் மற்றும் ஆண்களின் சமத்துவத்தை ஆராய்ந்தன.

இந்த செயல்முறைக்கு உண்மையான கலந்தாலோசனைக்கான இடங்களை உருவாக்குவது இன்றியமையாதது என திருமதி யங்கலியேவா குறிப்பிட்டார். “எல்லோரும் சமமாக  உணரும் மற்றும் நம் அனைவருக்கும் மிகவும் முக்கியமான ஒன்றைப் பற்றி பிரதிபலிப்பதற்கான சூழலை உருவாக்குதல்… புதிய முன்னோக்குகளை வெளிப்படுத்தி நம்மை ஒருவர் மற்றவருடன் நெருக்கமாக்குகிறது,” என அவர் கூறுகிறார். பாட்காஸ்ட் அத்தியாயம் “இன் கான்வெர்சேஷன்” தொடரின் ஒரு பகுதியாகும், இது அடித்தட்டில் இருந்து அனைத்துலக மட்டம் வரை சமூக முன்னேற்றத்திற்குப் பங்களிப்பதற்கான உலகளாவிய பஹாய் முயற்சிகளின் அனுபவங்களை ஆராய்கிறது.

மூலாதாரம்: https://news.bahai.org/story/1780/

பஹாய் உலக செய்தி சேவை: அரபு மொழியில் பஹாய் உலக செய்தி சேவை (BWNS) ஆரம்பம்

30 ஜனவரி 2025

பஹாய் உலக மையம் – பஹாய் உலக செய்தி சேவையானது இப்போது அரபு மொழியை அதன் இணையதளத்தில் கொண்டுள்ளது, இது இரண்டு தசாப்தங்களுக்கு முன்னர் செய்தித் தளம் தொடங்கப்பட்டதிலிருந்து குறிப்பிடத்தக்க மேம்பாட்டைக் குறிக்கின்றது.

2000-ம் ஆண்டில் ஸ்தாபிக்கப்பட்டதிலிருந்து, பஹாய் உலக செய்தி சேவையானது, சமூக மேம்பாட்டிற்குப் பங்களிப்பதற்கான உலகளாவிய பஹாய் சமூகத்தின் முயற்சிகளில் இருந்து வெளிப்படும் நுண்ணறிவுகள் பற்றிய சிந்தனையைத் தூண்டும் கதைகள், பாட்காஸ்ட்கள் மற்றும் வீடியோக்களை வெளியிடுவதை நோக்கமாகக் கொண்டுள்ளது.

அரபுத் தளம் ஆங்கிலம் மற்றும் செய்தி சேவையின் பிற நான்கு மொழி பதிப்புகளுடன் அமர்ந்திருக்கிறது: பிரஞ்சு, பாரசீக, ரஷ்ய மற்றும் ஸ்பானிஷ்.

வலைத்தளத்திற்குக் கூடுதலாக, செய்தி சேவை மொபைல் பயன்பாடு (AndroidandiOS), முகநூல், இன்ஸ்டகிராம், X மற்றும் யூடியூப் மற்றும் மின்னஞ்சல் சந்தா மூலமாகவும் கிடைக்கிறது.

சமீபத்தில் தொடங்கப்பட்ட அரபு மொழி BWNS இணையதளத்திற்கான முகப்புப்பக்கம்.

மூலாதாரம்: https://news.bahai.org/story/1779/

BIC ஜெனேவா: இரான் நாடு குறித்த காலமுறை மதிப்பாய்வின் போது ஐநா உறுப்பு நாடுகள் கவலை தெரிவிக்கின்றன

28 ஜனவரி 2025

BIC ஜெனீவா – சமீபத்தில் ஜெனிவாவில் உள்ள ஐக்கிய நாடுகள் சபையின் (UN) மனித உரிமைகள் பேரவையில் ஈரான் அதன் நான்காவது உலகளாவிய காலமுறை ஆய்வுக்கு (UPR) உட்படுத்தப்பட்டது. கணிசமான எண்ணிக்கையிலான ஐ.நா. உறுப்பு நாடுகள், சிறுபான்மையினரை துன்புறுத்துதல் மற்றும் பெண்கள் மற்றும் சிறுமிகளை குறிவைத்தல் உள்ளிட்ட மனித உரிமை மீறல்கள் உட்பட, ஈரானில் பஹாய்கள் திட்டமிட்டு துன்புறுத்தப்படுவது குறித்து கவலைகளை எழுப்பின.

ஈரானில் 11 பஹாய் பெண்களை ஆதாரமற்ற குற்றச்சாட்டின் கீழ் இஸ்லாமியக் குடியரசு பாதுகாப்புப் படையினர் தடுத்து வைத்த அதே வாரத்தில் ஈரானின் மதிப்பாய்வு (UPR) வந்தது.

UPR என்பது மனித உரிமைகள் பேரவையின் கீழ் உள்ள ஒரு சக மதிப்பாய்வு பொறிமுறையாகும், இது அனைத்து 193 ஐநா உறுப்பு நாடுகளின் மனித உரிமை பதிவுகளை ஆய்வு செய்கிறது. மறுஆய்வு செய்யப்படும் நாடு, முந்தைய படிகளை செயல்படுத்துவதற்கு எடுத்த நடவடிக்கைகளை கோடிட்டுக் காட்டுவதாகவும், அதை அவர்கள் செய்வதாக உறுதியளித்திருப்பார்கள் எனவும், குறிப்பிட்ட நாட்டில் சமீபத்திய மனித உரிமைகள் முன்னேற்றங்களை முன்னிலைப்படுத்தவும் எதிர்பார்க்கப்படுகிறது.

UPR-இல் அறிக்கைகளை முன்வைக்கும் பல நாடுகள் குறிப்பாக பஹாய்களின் மனித உரிமைகள் நிலைமையைக் குறிப்பிட்டு, ஈரானிய அரசாங்கம் செயல்படுத்துவதற்கு குறிப்பிட்ட பரிந்துரைகளைச் செய்தன.

ஈரானின் UPR அமர்வின் போது இத்தாலி தனது அறிக்கைகளில், “இன மற்றும் மத சிறுபான்மையினரின் பாகுபாட்டை எதிர்கொண்ட அனைத்து குடிமக்களுக்கும் சம உரிமைகளை உத்தரவாதம் செய்ய தேவையான நடவடிக்கைகளை எடுப்பதன்” முக்கியத்துவத்தை வலியுறுத்தியது, குறிப்பாக பஹாய்களைப் பொறுத்தவரை. ஆஸ்திரியா ஈரானை “சர்வதேச மனித உரிமைகள் சட்டத்திற்கு இணங்க ஈரானிய அரசியலமைப்பைக் கொண்டு வர வேண்டும் மற்றும் பஹாய் உட்பட அனைத்து மத சிறுபான்மையினரும் அங்கீகரிக்கப்பட்டு, மதம் அல்லது நம்பிக்கைக்கான உரிமையை முழுமையாக அனுபவிப்பதை உறுதிபடுத்த வேண்டும்” என வலியுறுத்தியது.

லித்துவேனியா ஈரானிடம் “பஹாய் மற்றும் பிற மத சமூகங்களின் அனைத்து வகையான பாகுபாடுகளையும் துன்புறுத்தலையும் நிறுத்துவதன் மூலம் மத சிறுபான்மையினரின் உரிமைகள் மதிக்கப்படுவதை உறுதி செய்ய வேண்டும்” என வலியுறுத்தியது. “பஹாய்கள் போன்ற மத சிறுபான்மையினர் உட்பட, எந்த அடிப்படையிலும் பாகுபாட்டை முடிவுக்குக் கொண்டுவர” ஈரானுக்கு எஸ்டோனியா அழைப்பு விடுத்தது. “மத மற்றும் இன சிறுபான்மையினரை, குறிப்பாக பஹாய்கள், குர்தியர்கள், அஹ்வாசி, பலோச் மற்றும் துர்க்மென் இனத்தவரைத் துன்புறுத்துவதை நிறுத்துமாறு” லக்சம்பேர்க் ஈரானை வலியுறுத்தியது. “பஹாய் சமய

 உறுப்பினர்கள் உட்பட மத மற்றும் இன சிறுபான்மையினருக்கு எதிரான தொடர்ச்சியான பாகுபாடு பற்றிய அறிக்கைகள்” குறித்து அயர்லாந்து கவலை தெரிவித்தது.

பெல்ஜியம் ஈரானிடம் “அரசியலமைப்பு மற்றும் சட்ட அமைப்புகள் அனைத்து மனித உரிமைகளையும் சமமான அடிப்படையில், அனைத்து மத சிறுபான்மையினருக்கும், பஹாய்கள், கிறிஸ்தவர்கள், யூதர்கள் மற்றும் ஒவ்வொரு பிரிவைச் சேர்ந்த முஸ்லிம்கள் உட்பட, சமமாக அனுபவிப்பதை உறுதிப்படுத்துமாறு” வலியுறுத்தியது. நெதர்லாந்து, “பஹாய் போன்ற இன மற்றும் மத சிறுபான்மையினரின் பாகுபாடு மற்றும் துன்புறுத்தல்” குறித்து மிகுந்த கவலையை வெளிப்படுத்தியது. ஸ்பெயின், ஈரான் “பஹாய் சமூகம் போன்ற சிறுபான்மையினருக்கு மத சுதந்திரம் மற்றும் மனசாட்சியின் சுதந்திரத்திற்கு உத்தரவாதம் அளிக்க வேண்டும், பாகுபாட்டை அகற்றவும் அவர்களின் பாதுகாப்பை நிரூபிக்கவும் குறிப்பிட்ட நடவடிக்கைகளை எடுக்க வேண்டும்.”

“பெண்கள், மனித உரிமைப் பாதுகாவலர்கள் மற்றும் பஹாய்கள் உட்பட மத மற்றும் இன சிறுபான்மையினருக்கு எதிரான மனித உரிமை மீறல்கள் பற்றிய அறிக்கைகள்” குறித்து பிரேசில் கவலை தெரிவித்தது. “கிறிஸ்தவர்கள், யூதர்கள், ஜோராஸ்ட்ரியர்கள், பஹாய்கள், அஹ்வாசி அரேபியர்கள், பலூச்சிகள், குர்தியர்கள் மற்றும் சுன்ன முஸ்லிம்கள் உட்பட இன மற்றும் மத சிறுபான்மையினருக்கு எதிரான அனைத்து சட்டங்களையும் பாரபட்சமான நடைமுறைகளையும் ரத்து செய்ய வேண்டியதன் அவசியத்தை கனடா வலியுறுத்தியது. ஈரான் நாடு “பஹாய்கள், அஹ்வாசி அரேபியர்கள் மற்றும் கிறிஸ்தவர்கள் உட்பட மத சிறுபான்மையினருக்கு எதிரான அனைத்து பாகுபாடுகளையும் அகற்ற வேண்டும், மேலும் கலாச்சார மற்றும் மத உரிமைகள் மற்றும் சுதந்திரங்களுக்கான மரியாதைக்கு உத்தரவாதம் அளிக்க வேண்டும்” என கோஸ்டா ரிக்கா கூறியது.

வடக்கு மாசிடோனியா ஈரானுக்கு “அனைத்து பெண்கள் மற்றும் சிறுமிகளுக்கு எதிராக, குறிப்பாக தன்னிச்சையாக கைது செய்யப்பட்டு தடுத்து வைக்கப்பட்டுள்ள பஹாய் பெண்களுக்கு எதிராக நேரடியாக பாகுபாடு காட்டும் அனைத்து சட்டங்கள், விதிமுறைகள் மற்றும் நடைமுறைகளை ரத்து செய்ய வேண்டும்” என அழைப்பு விடுத்தது. ” அல்பேனியா ஈரானிடம் “பஹாய்கள் உட்பட இன மற்றும் மத சிறுபான்மையினருக்கு எதிரான துன்புறுத்தல் மற்றும் பாகுபாட்டை நிறுத்த வேண்டும்” என கேட்டுக் கொண்டது. மேலும் மார்ஷல் தீவுகள், ஈரான் “பாகுபாட்டை அகற்றவும், நாட்டில் உள்ள பஹாய்கள் மற்றும் பிற சிறுபான்மை சமூகங்களின் மனித உரிமைகளின் பாதுகாப்பை மேம்படுத்தவும் உறுதியான நடவடிக்கைகளை மேற்கொள்ள வேண்டும்” என கூறியது.

ஜனவரி 20-ஆம் தேதி, பஹாய் அனைத்துலக சமூகம் (BIC) UPR-க்கு முன்னதாக ஐநா-வில் ஓர் உயர்மட்ட நிகழ்வை நடத்தியது, அத்துடன் நான்கு அமைப்புகளுடன் சேர்ந்து, பல ஐநா உறுப்பு நாடுகள் மற்றும் ஒரு டஸன் மனித உரிமை நிபுணர்களை ஒன்று திரட்டியது, மற்றும் ஐ.நா. ஈரானிய பஹாய் சமூகம் மற்றும் மனித உரிமைகள் கண்காணிப்பகத்தின் சமீபத்திய அறிக்கையான “என் கழுத்தின் மீதான காலனி” (“The Boot on My Neck.”) என்னும் பஹாய்கள் மீதான ஒரு குறிப்பிட்ட வலியுறுத்தலுடன், இன மற்றும் மத சிறுபான்மையினர் துன்புறுத்தப்படுவதை இது வெளிச்சம் போட்டுக் காட்டியது.

“என கழுத்தின் மீதான காலனி”, அறிக்கை பற்றிப் பேசிய மனித உரிமைகள் கண்காணிப்பகத்தின் ஜெனிவா இயக்குனர் ஹிலாரி பவர் விளக்கியதாவது, அவ்வறிக்கை ” பாகுபாடான சட்டங்கள் மற்றும் கொள்கைகள் மூலம் பஹாய் சமூக உறுப்பினர்களின் பரந்த அளவிலான அடிப்படை உரிமைகளை அதிகாரிகள் திட்டமிட்டு மீறியதை ஆவணப்படுத்துகிறது. அதிகாரிகள் வேண்டுமென்றே பஹாய்களின் இந்த அடக்குமுறையை சட்டம் மற்றும் உத்தியோகபூர்வ அரசாங்கக் கொள்கையில் குறியீடாக்கியுள்ளனர் என்பதுடன் இது பாதுகாப்புப் படைகள் மற்றும் நீதித்துறை அதிகாரிகளால் தீவிரமாக செயல்படுத்தப்பட்டது.

“மனித உரிமைகள் கண்காணிப்பகத்துடன் பேசிய பஹாய்கள் தங்களின் துன்புறுத்தலை, ஈரானிய அரசுடனான அவர்களின் முதல் சந்திப்புகளில் தொடங்கி, அவர்களின் வாழ்க்கையின் ஒவ்வொரு அம்சத்தையும் பாதிக்கும் தொடர்ச்சியான மீறல்கள் என விவரித்தார்,” என அவர் மேலும் கூறினார்.

“ பஹாய் சமூகம் உயர்கல்வியிலிருந்து திட்டமிட்ட விலக்கு, சொத்து பறிமுதல் மற்றும் தன்னிச்சையான காவலில் வைக்கப்படுவது ஆகியவற்றை எதிர்கொள்கிறது” என ஈரான் மீதான ஐ.நா சிறப்பு அறிக்கையாளர் மை சாட்டோ கூறினார்.

“உலகெங்கிலும் உள்ள பஹாய்கள் தங்கள் சமூகங்களுக்குப் பங்களிக்கும் அதே வேளையில், அவர்களின் சமூகங்களுக்குப் பங்களிக்கும் சுதந்திரம் உள்ளது” என ஐ.நா.வுக்கான BIC பிரதிநிதி சிமின் ஃபஹாண்டேஜ், குழுவில் பேசுகையில், “ஈரானில், துரதிர்ஷ்டவசமாக, அவர்களுக்கு 45 ஆண்டுகளுக்கும் மேலாக ஒவ்வொரு மனித உரிமையும் முறையாக மறுக்கப்பட்டுள்ளது. நேரடி ஆதாரத்தின் மூலம், ஈரானில் பஹாய்களுக்கு எதிரான துன்புறுத்தல் ஈரானிய சட்டத்திற்குள் ஸ்தாபனமயமாக்கப்பட்டுள்ளது, இது பஹாய்களை வாழ்க்கையின் அனைத்து பகுதிகளிலும் ஒதுக்கி வைப்பதுடன் அவர்கள் நீதியை நாடுவது கூட சாத்தியமற்றதாக்குகின்றது.

“மதம் அல்லது நம்பிக்கை குறித்த சுதந்திரம் பற்றிய முன்னாள் ஐ.நா. சிறப்பு அறிக்கையாளர், பஹாய்களின் துன்புறுத்தலை இன்று உலகில் உள்ள மதத் துன்புறுத்தலின் மிகத் தீவிரமான வெளிப்பாடுகளில் ஒன்றாகும்” என திருமதி ஃபஹண்டேஜ் மேலும் கூறினார்.

UPR செயல்முறையின் போது ஈரானில் உள்ள பஹாய்களுக்கு நாடுகளின் வலுவான ஆதரவு சமீபத்திய மாதங்களில் ஈரானில் பஹாய்கள் பெற்ற அசாதாரண ஆதரவின் சமீபத்திய வளர்ச்சியாகும். ஈரான் மீதான ஐ.நா.வின் முன்னாள் விசேஷ அறிக்கையாளர் இந்தத் துன்புறுத்தலை “இனப்படுகொலை நோக்கத்தால்” உந்தப்பட்டதாக விவரித்தார். 2022-ஆம் ஆண்டு எழுச்சிக்குப் பின்னர் பஹாய் பெண்கள் மீதான விகிதம் மீறிய இலக்குகளை, வேண்டுமென்றே அடக்குமுறை அதிகரிப்பதை வெளிப்படுத்தியதை, ஈரான் மீதான ஐ.நா. உண்மை கண்டறியும் குழுவின் பல அறிக்கைகள் எடுத்துக்காட்டுகின்றன. முன்னெப்போதும் இல்லாத ஒரு நடவடிக்கையாக, 18 ஐ.நா. வல்லுநர்கள் ஒன்றிணைந்து ஈரானின் நடவடிக்கைகளுக்குக் கண்டனம் தெரிவித்து ஒரு கூட்டுக் கடிதத்தை வெளியிட்டனர், அதே நேரத்தில் அப்டோரஹ்மான் போரூமண்ட் மையம் பஹாய் சமூகத்திற்கு எதிரான 45 ஆண்டுகால வன்முறையின் திடுக்கிடும் விவர அறிக்கையை வெளியிட்டது.

உலகளாவிய சீற்றத்துடன் சேர்த்து, புதிய ஐ.நா. செய்திக்குறிப்பு, பஹாய் பெண்களை திட்டமிட்டு இலக்கு வைப்பதைக் கண்டித்தது. இந்த மனித உரிமை மீறல்களைத் தீர்ப்பதற்கு உடனடி நடவடிக்கைக்கு அழைப்பு விடுத்தது.

அனைத்துலக அக்கறையின் இந்தத் தீவிரம், அடக்குமுறை மற்றும் வன்முறையின் இடைவிடாத பிரச்சாரத்திலிருந்து ஈரானில் பஹாய்களைப் பாதுகாக்க வேண்டிய அவசரத்தை அடிக்கோடிட்டுக் காட்டுகிறது.

மூலாதாரம்: https://news.bahai.org/story/1778/